لندن ۔ 15 اکتوبر (اے پی پی) آزاد کشمیر ئِ پیسریگیں مزن وزیر ئُُ پی ٹی آئی کشمیر ئِ صدر بیرسٹر سلطان محمود چوہدری ئَ گوشت کہ برطانیہ کشمیر ئِ جیڈھ ئَ را گیوار کنگ ئَ وتی کرد ئَ پیلو بہ کنت۔ اے ھیالانی درشان آئی ئَ لندن ئَ برطانوی پارلیمنٹ ئِ باسک فیونافٹز ئَ گوں گند ئُُ نند ئَ کُت اَنت۔ بیر سٹر سلاطان محمود ئَ گوشت کہ برطانوی پارلیمنٹ ئِ باسک کشمیر ئِ جیڈھ ئِ پد ئَ منوگری جم بہ کن اَنت۔ آ کشمیر ی اُلس ئِ پالا بندی ئَ بہ کن اَنت۔بیرسٹر سلطان محمود چوہدری 16 اکتوبر ئَ نیم روچے 3بج ئَ ہالینڈ ئِ دارالحکومت ئَ دی ہیگ ئَ میاں اوستمانی آمید گس ئِ دیم ئَ کشمیری آنی ٹوھیں ڈاھ ئُُ شور ئِ پاگواجئی ئَ کنت۔ دی ہیگ ئَ جھلگ ئِ ساھت ئَ آ ہالینڈ ئِ درئی کارانی وزیر ئَ گوں گند ئُُ نند کنت ئُُ کشمیر ئِ جیڈھ ئَ تران کنت۔ بیرسڑ سلطان محمود چوہدری یورپ ئِ بازیں ملک آں ھم تر ئُُ تاب ئَ روت ئُُ ھمے بابت آ گوستگیں دھ روچ ئَ چہ برطانیہ ئِ بازیں شہر آنی تر ئُُ تاب ئَ اِنت۔
