کابل۔ 10اکتوبر (اے پی پی) دے ٹکی اوغانستان اٹی امریکی ڈرون جلہو آتیٹی شدت پسند رڑداعش نا پین 20باسک تپاخت کریر، جلال آباد اٹی اسہ دھماکہ اسے ٹی 5بندغ ٹھپی مسر۔ اوغان میڈیا نا رداٹ اولیکو ڈرون جلہو ننگرہار نا ضلع نازیان اٹی کننگا ہراٹی شدت پسند رڑانا 8کارندہ تپاخت کریر۔ کمامدارآک پاریر کہ امریکی جاسوس طیارہ ارٹ میکو جلہو ئِ آچین اٹی کریر ہراٹی داعش نا 12باسک تپاخت کریر۔ اسہ دے اس مست دا علاقہ غاتیٹی مروک آ جلہو آتیٹی داعش نا 34باسک تپاخت کریسر۔ ننگر ہار نا دارالحکومت جلال آباد اٹی اسہ دھماکہ اسے ٹی 5بندغ ٹھپی مسر ہرافتے ٹی مسہ پولیس کارندہ ہم اوارو ۔پولیس نا رداٹ کابل بس اسٹیشن نا خڑک مس، ٹھپی مروک آتے ہسپتال آ گدریفنگانے۔ کابل گردیزہائی وے آ ٹریفک نا حادثہ ٹی 7بندغ تپاخت کریر۔ کمامدارآتارداٹ حادثہ ہموخت آ پیش بس ہراتم اسہ مسافر ویگن اس ٹرالی اسے تون ڈوک لگا۔ حادثہ ٹی 9بندغ ٹھپی مسنو۔
