اقوام متحدہ۔ 10 اکتوبر (اے پی پی) اقوام متحدہ ئَ پاکستان ئِ مستقل مندوب ڈاکٹر ملیحہ لودھی ئَ گوشتگ کہ کوھنیں جیڈھ، در ملکی آوار جنگ ئُُ وت واجئی ئَ را لگت مال کنگ ، اقوام ئِ متحدہ ئِ ناشرکاری ئِ ھلاپ ئَ گامگیج آنی تہ ئَ اے جیدھ ھوار کنگ لوٹیت۔ آئی ئَ اے گپ جنرل اسمبلی ئِ ششمی کمیٹی ئَ گوں تران کنان ئَ گوشت، اے کمیٹی ناشرکاری ئِ ھلاپ ئَ کنونشن ئِ سر ئَ کار کنگ ئَ اِنت۔ ڈاکٹر ملیحہ لودی ئَ گوشت کہ جوڑ کتگیں رپوٹ ئِ تہ ئَ ناشرکاری ئُُ مردم آنی وت واجئی ئُُ ھندی آوار جنگ ئِ تہ ئَ جتائی زانگ بہ بیت۔ آئی ئَ گوشت کہ کشمیر ئُُ فلسطین ئَ بے کسوریں دمگی مردم آناں لگت مال کنگ ئُُ کوشگ ، میاں اوستمانی پڑ ئَ ھمے ھیال کنگ بوھگ ئَ اِنت کہ ناھکی ئِ سبب ئَ دُگنیا ئِ تہ ئَ ناشرکاری گیش بوھگ ئَ اِنت، وتی ھک ئُُ وت واجئی ئُُ ھندی آوار جنگ ئِ ھلاپ ئَ جہد ئُُ کوشست کنوکیں مردم آنی ھلاپ ئَ ریاستی طاقت ئِ کارمردی ناشرکاری اِنت۔
