بغداد۔ 28 ستمبر (اے پی پی) اولیکو جلہو بغداد نا دے ٹکی علاقہ نا پنی آ مارکیٹ اٹی کننگا وخت اس کہ ایلو دھماکہ ٹی بغداد نا دیکی علاقہ نا اسہ واپاری شاہراہ اسے نشانہ جوڑ کننگا۔ درملکی میڈیا نارداٹ عراقی سیکورٹی کمامدارآتا پاننگ ئِ کہ خودکش جلہو گیر دے ٹکی بغداد نا علاقہ ٹی تینے تینٹ دھماکہ ٹی ترخیفے۔ ہرانا نتیجہ ٹی 13بندغ تپاخت و 30ٹھپی مسر۔ ٹھپی مروک آتے دمدستی وڑاٹ خڑک انا ہسپتال آ گدریفنگا۔ ہراڑے گڑاس بندغ نا حالیت نازرک پاننگ انگ ئِ۔ ہرانا سوب تپاخت آتیٹی ودکی نا گڑتی ظاہر کننگ انگ ئِ۔ دھماکہ آن خڑک انا دوکان و گاڈی تے ہم نسخان رسینگا۔ اسہ گھنٹہ اسے آن پد خودکش جلہو گیر بایہ نا سویل دیکی علاقہ نا اسہ مارکیٹ اسے ٹی تینے تینٹ ترخیفے ہرانا نتیجہ ٹی 11بندغ تپاخت و 35ٹھپی مسر۔ جلہو آتا زمہ واری ئِ داعش امنا کرینے۔
