ابوجا۔ 26ستمبر (اے پی پی) نائیجریانا ریاست بورنو ٹی بوکو حرام نا سیکورٹی فورسز آتیا جلہو اٹی 4فوجی خلنگار وخت اس کہ ورندی کارروائی ٹی 22جنگوڑوہم تپاخت کریر۔ میڈیا احوال آتارداٹ نائیجریا نا فوج انا ترجمان کرنل سنی عثمان پارے کہ بوکو حرام نا عسکریت پسند آک بورنوریاست اٹی فوج آ جلہو کرے ہراٹی 4کارندہ خلنگار وخت اس کہ اِرٹ ٹھپی مسر۔ اوپارے کہ ورندی کارروائی ٹی 22عسکریت پسند آتے تپاخت کننگانے وخت اس کہ جاگہ غان سلہہ و گولہ بارود ہم دوئی کننگانے۔ یات سلے کہ نائجیریا نا قطب دے ٹکی علاقہ بوکو حرام نا سوگو گڑھ سرپند کننگک۔ تدینگوک آ منہ تواٹی نائجیریا نا حکومت دا علاقہ غاتیٹی دہشت گرد آتا برخلاف کیہی فوجی کارروائی کرینے۔
