اقوام متحدہ۔ 22ستمبر (اے پی پی) اقوام متحدہ نا پاننگ ئِ کہ او شام اٹی انسانی بنداو تیا امداد نا ترسیل نا تیاری ئِ کننگ ئِ و زوت ہی امدادی قافلہ ئِ اسہ وار ولدا لس شاری تسکان امداد نا فراوانی کن رادہ کننگک ۔ جرمن احوالی تارداٹ اِرا دے مست اسہ امدادی قافلہ سے آ ممکنہ وڑاٹ اسہ فضائی جلہو اسے ٹی 21بندغ نا تپاخت آن گڈ جہانی ادارہ شام اٹی تینا امدادی سرجزوآتے عارضی وڑاٹ معطل کریسس۔ اقوام متحدہ نا انسانی امداد نا رابطہ دفتر نا اسہ ترجمان اس پارے کہ پوسکنا امدادی قافلہ تیار ئِ و اودے ہراوخت کہ مس اودے اونا کاریم نا بناءکن پاننگک۔ یات سلے کہ حلب شار اٹی امدادی قافلہ غا جلہو نا بابت آن اقوام متحدہ جاست و پاست نا پڑو ئِ ہم کرینے۔