وفاقی وزیر برائے راجی  فوڈ سیکیورٹی ءُ ریالائزیشن ءَ ویٹ بورڈ   ءِ مزن تک ءِ دیوان،  گندم ءِ بہر ءُ بانگ ءِ حکمت عملی ءِ سرا چار ءُ تپاسی

اسلام آباد۔28جولائی  (اے پی پی): وفاقی وزیر برائے راجی فوڈ سیکیورٹی ءُ ریالائزیشن رانا تنویر حسین  ءَ گندم بورڈ ءِ مزن تک ءِ دیوان ءِ سروکی کت، ایشی ءِ تہ ءَ ملک ءَ گندم ءِ دستیابی، بہر ءُ بانگ ءِ حکمت عملی ءُ صوبگ آنی لوٹ آنی سر ءَ سرجمیں چار ءُ تپاسی کنگ بوت۔ گند ءُ نند ءَ راجی فوڈ سیکیورٹی ءُ ریالائزیشن ءِ وزارت ءِ سیکرٹری عامر آیا احمد، مزن وزیر ءِ زراعت، کشت ءُ کشاری ءُ فوڈ سیکرٹریٹ ءِ کوآرڈینیٹر، گلگت بلتستان ءُ آزات جموں ءُ کشمیر ءِ سیادی داروکیں دگہ نمائندگ، پاکستان ءِ نمائندگ ءُ ایف سٹیک ہولڈرز ءَ چہ دیم ءَ اتکگ۔ دیوان ءَ پاسکو ءِ ذخائر ءَ چہ صوبہ آنی گندم ءِ لوٹ آنی سر ءَ چار ءُ تپاسی کنگ بوت۔ دیوان ءَ گوشگ بوت کہ صوبگ آنی کلیں لوٹ پاسکو ءِ دست کپتگیں ذخائر ءَ چہ گیش انت۔ اے جاور ھال ءِ رد ءَ صوبہ آنی گوما شور ءُ سلاھ ءُ آھانی لوٹ آنی ھیال ءَ دارگ ءَ نزیک ءَ یک میلیون ٹن گندم ءِ درآمد کنگ ءِ عمل ءِ سر ءَ ھیال ءُ لیکہ کنگ بوھگ ءَ اِنت۔ اے گپ پدر انت کہ پیش کرتگیں درآمد ءِ کوٹہ ءِ پیسلہ صوبہ آنی نیمگ ءَ چہ درشان کتگیں لوٹ آنی رد ءَ کنگ بوتگ، ایشی ءِ مول ءُ مراد سرجمیں ملک ءَ گندم ءِ بے رکاوٹیں رسگ ءَ را دل یکیمی کنگ ءُ راجی فوڈ سیکیورٹی ءَ را مھکم کنگ اِنت۔ وفاقی وزیر ءَ زور پر دات کہ درآمد ءِ عمل ءِ ساھت ءَ درستیں صوبہ آناں سرجمیں رنگ ءَ سرپدی دیگ بیت ھاسیں رنگ ءَ درآمد بوھوکیں گندم ءِ کوالٹی ءُ تکنیکی وضاحت آنی ھوالگ ءَ۔ آئی ءَ گیش گوشت کہ درآمد بوتگیں گندم ءِ لوٹ آنی رد ءَ صوبگ آنی نیام ءَ بھر ءُ بانگ کنگ بیت تانکہ شفافیت، انصاف ءُ یکسانی بھر ءُ بانگ ءَ را دل یکیمی کنگ بہ بیت۔ رانا تنویر حسینو ءَ یک رندے پدا گوشت کہ وفاقی حکومت گندم ءِ مھکمیں سپلائی ءَ را دل یکیمی کنگ، صارف آنی مفاد آنی رکھینگ ءُ سرجمیں وفاقی ادارگ آنی گوما نزیکیں کمک ءِ وسیلگ ءَ سرجمیں ملک ءَ گندم ءِ وھد ءِ سر ءَ دستیابی ءَ را دل یکیمی کنگ ءِ واستہ جزم اِنت۔ آئی ءَ سیادی داروکیں واکدار آناں ہدایت کت کہ آ الس ءُ صوبہ آنی گوما جوان ہمگرنچی ءِ وسیلگ ءَ زوتاں چہ زوت درستیں المی ئیں بندوبست آناں سرجم بہ کن انت۔