صدر ءِ مملکت ءَ فرانس ءُ اسپین ءَ جنگل ءِ آس لگگ ءَ چہ جانی تاوان ءِ سرا غم ءِ درشانی

اسلام آباد۔28جولائی  (اے پی پی): صدر آصف علی زرداری ءَ فرانس ءُ اسپین ءَ جنگل ءِ آس لگگ ءِ سر ءَ سک باز دلپدردی ءِ درشانی کتگ ءُ ایشی ءِ سبب ءَ بوتگیں جانی تاوان ءُ تباہی ءِ سر ءَ دلپدردی ءِ درشانی کتگ۔ سئے شمبے ءِ روچ ءَ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ آماچیں ھاندان آں گوں دل ءِ جہلانکی ءَ دلپدردی ءِ درشانی کتگ۔ صدر آصف علی زرداری ءَ گوشت کہ پاکستان فرانس ءُ اسپین ءِ حکومت ءُ الس ءِ گوما یکوئی ءَ اوشتاتگ۔ آئی ءَ فائر فائٹرز  ءُ امدادی کارندہ آناں شگر ءُ منت گپت ءُ گوشت کہ موسمی مٹ ءُ بدلی سرجمیں انسانیت ءِ واستہ یکجائی چیلنج انت۔ صدر ءِ مملکت ءَ گوشت کہ پاکستان ھم ھما ملک آنی تہ ءَ ھوار اِنت کہ آ موسمی مٹ ءُ بدلی ءِ ھرابیں اثر آناں سک باز آماچ اَنت۔ آئی ءَ گوشت کہ یکجائی چیلنج آنی گیواری ءِ واستہ جھان ءِ یکوئی ءُ یکجائی کوشست المی اِنت۔