پارٹی کارکناں جمہوریت ءِ بحال کنگ ءِ ھاترا زندان، ٹارچر ءُ مشکل برداشت کتگ انت، شیری رحمان

اسلام آباد۔5جولائی  (اے پی پی): پاکستان پیپلز پارٹی ءِ نائب صدر سینیٹر شیری رحمان ءَ گشتگ کہ پارٹی کارکناں جمہوریت ءِ بحالی ءِ ھاتر ءَ زندان، ٹارچر ءُ سکی برداشت کتگ انت بلے آہاں لیڈر آف پیپلز پارٹی ءِ نظریہ ءِ سرا ہچبر ہلاس نہ کتگ۔ راج ءَ را گوست ءَ چہ سبق زورگی اِنت ءُ جمہوریت ءُ آئین ءِ بالادستی ءُ راج ءِ پیسلہاں ہر قیمت ءَ رکھینگی اِنت۔ یک شمبے ءِ روچ ءَ پیپلز پارٹی ءِ میڈیا سیل ءِ نیمگ ءَ جاڑی بوتگیں بیان ءِ رد ءَ شہری رحمان ءَ 5 جولائی 1977 ءِ ھوالگ ءَ وتی کلوہ ءِ تہ ءَ گوشت کہ شہید ذوالفقار علی بھٹو ءِ ھلاپ ءَ کتگیں غیر آئینی کارروائی اصل ءَ الس ءِ ووٹ ءِ ھک ءُ جمہوری باندات ءِ سر ءَ اُرش اِنت۔ شہید محترمہ بے نظیر بھٹو ءَ ہر گرانیں جاوراں شہید ذوالفقار علی بھٹو ءِ مشن ءَ گوں مھکمیں رنگے ءَ دیم ءَ برت، آئی ءَ جیلاں وھد گوازینت ءُ آمریت ءِ ھلاپ ءَ جنگ کت۔ شیری رحمان ءَ گوشت کہ راج ءِ سروک ءِ جمہوری لیکہ ءُ راجمانی سیاست ءِ سرکوب کنگ ءِ ھرچ کوشست بے سوب بوتگ، آئی ءِ ھیال مرچی ھم راج ءِ رھشونی ءَ کنگ ءَ اَنت، کارگراں جمہوریت ءِ بحالی ءِ واستہ زندان، ٹارچر ءُ گرانیں جاور برداشت کتگ اَنت بلے ملک ءِ سروک ءِ نظریہ ءَ چہ ھچبر دست نہ کش اِتگ ،  آئین، پارلیمنٹ ءُ عوامی اگدہ ءِ سرا کار کنگ ءَ انت۔ شیری رحمان ءَ گوشت کہ شہید ذوالفقار علی بھٹو ءُ جمہوریت ءِ واستہ وتی سر ندر کنوکیں مردم آناں شرپ ءُ شان ءِ درشان کنگ ءِ جوانیں راہ آئین ءِ احترام ءَ را دل یکیمی کنگ انت۔ آئی ءَ گوشت کہ راج ءَ را گوست ءَ چہ دربرگ لوٹ ایت ءُ جمہوریت، آئین ءِ بالادستی ءُ راجی پیسلہ آنی ھرچ قیمت ءَ رکھینگ لوٹ ایت۔