3.5 درسد افراط زر ءِ شرح، 31 ارب ڈالر ءَ چہ گیش زرّ ءِ دیم دیگ،  "اُڑان   پاکستان”  ءِ اقتصادی نظم ءُ ضبط نوں حقیقت جوڑ بوھگ ءَ اِنت، پروفیسر احسن اقبال

اسلام آباد۔5جولائی  (اے پی پی): منصوبگ بندی، دیمروئی، گہتری کار ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ مہنگائی ءِ شرح 3.5درسد ءَ کپگ ءُ 31ارب ڈالر ءَ چہ گیش زرّ ءِ دیم دیگ ءِ سبب ءَ  "اُڑان  پاکستان” ءِ اقتصادی نظم و ضبط نوں حقیقت جوڑ بوھگ ءَ اِنت۔ پاکستان ءَ اے گپ ثابت کتگ کہ آ نزوریں ریاستے نہ انت، بلکیں وتی پادانی سرا اوشتاتگیں مھکمیں ملکے انت۔ یک شمبے ءِ روچ ءَ وزارت منصوبگ بندی، دیمروئی ءُ اصلاحات ءِ نیمگ ءَ جاڑی بوتگیں بیان ءِ رد ءَ آئی ءَ آرلینڈو ءَ 49می اپنا سالانہ کنونشن ءَ گوں تران کنان ءَ گوشت کہ "اُڑان پاکستان” ءِ وسیلگ ءَ ما وتی سوچ ءَ را بنیاتی رنگ ءَ بدل کنگ ءَ ایں ۔ تاریخ ءِ تہا اولی رند ءَ مئے منصوبہ بندی ءِ تہا آبادی ءُ انسانی وسائل کسانیں حاشیہ یے نہ بوتگ انت بلکیں مئے اقتصادی دیمروئی ءِ اولی باب جوڑ بوتگ انت۔ آئی ءَ گوشت کہ ما پنچ ھشت ءِ بنیات ءَ 2047ءَ تاں 3 ٹریلین ڈالر  ءِ معیشت ءِ ٹارگٹ ءِ نیمگ ءَ روگ ءَ ایں، افراط زر 3.5درسد ءَ کپگ ءُ زرّ ءِ دیم دیگ 31ارب ڈالر ءَ چہ گیش بوھگ ءَ اِنت، ’’اُدان پاکستان‘‘ ءِ اقتصادی نظم ءُ ضبط نوں حقیقت جوڑ بوھگ ءَ اِنت۔ آئی ءَ گوشت کہ یک نیمگ ءَ پیچیدہ سفارتکاری ءَ کہ واشنگٹن ءُ تہران ءَ را یکیں میز ءِ سر ءَ آورتگ ءُ دومی نیمگ ءَ ”معرکہ  ءِ حق “ ءِ وھد ءَ ھم وتی سیم سر آنی مھکمیں دفاع ءَ گوں اے گپ ءَ ثابت کتگ کہ آ یک نزوریں ریاستے نہ اِنت بلکیں یک مھکمیں ملکے کہ آئی ءِ پاد آنی سر ءَ اوشتاتگ استحکام ایوک ءَ مئے سیمسر ءِ وسیلگ ءَ سوبمند نہ اِنت۔ کلینک، مئے ڈیٹا سسٹم ءُ مئے اقتصادی منصوبہ بندی ءِ سرا کار کنگ ءَ انت۔ دیم ءِ راہ آسان نہ اِنت ءُ نوں ہر چیز ایوک ءَ اے منصوبہ ءِ سرا عمل کنگ ءِ سرا بندوک اِنت۔ آئی ءَ گوشت کہ من ’’اپنا‘‘ کمیونٹی ءَ را یک راست ءُ سادہیں کلوہ داتگ کہ نوں ایوک ءَ پاکستان ءِ سر ءَ ایمان مہ دار اِت بلکیں پاکستان ءِ جوڑ کنگ ءَ مئے کمک ءَ بہ کن اِت۔ وتی مہارتاں، وتی نظاماں، ءُ وتی ھیال ءَ پدا لوگ ءَ بیار اِت۔ نوں آؤکیں وھد مئے دیمتر ءِ  مشن  اِنت۔