کلیں راج کارگل جنگ ءِ بہادریں بامرد کیپٹن کرنل شیرخان شہید ءَ را توسیپ ءُ ستا پیش کنت،  ڈاکٹر طارق فضل چوہدری

اسلام آباد۔5جولائی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ سرجمیں راج راج ءِ مزنیں زھگ، کارگل جنگ ءِ بہادریں بامرد کیپٹن کرنل شیر خان شہید (نشان  حیدر) ءِ سالروچ ءِ سر ءَ شگر ءُ منت ءَ پیش کنت۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی بیان ءِ تہ ءَ آئی ءَ گوشت کہ کیپٹن کرنل شیر خان شہید ءِ ماتیں وطن ءِ واستہ بے دروریں جرات، بے دروریں جزم ءُ بے مٹیں مہر مئے فوجی راجدپتر ءِ یک رژنائیں ءُ فخر مندیں باب اِنت۔ بے دروریں گرانیں جاوراں دژمن ءِ دیم ءَ بہادری ءَ دیم پہ دیم بوت ءُ وتی جان قربان کت ءُ اے گپ ثابت کت کہ وطن ءِ رکھینگ ءَ چہ مستریں فرض نیست۔ آئی ءَ گوشت کہ مئے شہید آنی قربانی پاکستان ءِ ایمنی، شرپ ءُ وت واجہی ءِ مھکمیں بُن ھشت انت۔ اے مزنیں زھگانی ھون پہ راج ءَ دلیری، یکوئی ءُ قربانی ءِ پیغام اِنت۔ طارق فضل چوہدری ءَ گوشت کہ پاکستانی راج وتی شہید آنی قربانی ءَ را کدی شموشکار نہ بیت ءُ مھروانیں وطن ءِ دفاع ءُ دیمروئی ءِ واستہ مدام یک مُشت ءُ جزم مان ایت۔ کیپٹن کرنل شیرخان شہید تئی بہادری ءَ سلام، تئی سرا راج مدام پھر  کنت۔