ٹیلی کام بل ءِ بزانت ایش نہ اِنت کہ کسے ءِ زاتی زمین ءِ سر ءَ قبضہ کنگ بیت، مارا مالی الزامانی سر ءَ قانونی کارروائی کنگ ءِ سرجمیں حق ھست، وفاقی وزیر شزہ  فاطمہ خواجہ ءُ اعظم نذیر تارڑ ءِ یکجائی پریس کانفرنس

اسلام آباد۔5جولائی  (اے پی پی): آئی ٹی ءُ ٹیلی کام ءِ وفاقی وزیر شزہ  فاطمہ خواجہ ءَ گشتگ کہ تپاکی ءَ گوں کانود جوڑ کنگ بوہگ ءَ انت، ٹیلی کام بل ءِ بزانت ایش نہ انت کہ کسے ءِ ذاتی زمین ءِ سرا قبضہ کنگ بیت، مارا سرجمیں حق است انت کہ مالی الزامات ءِ سرا قانونی کارروائی بہ کنیں۔ آئی ءَ اے ھیالانی درشانی یک شمبے ءِ روچ ءَ وفاقی وزیر کانود ءُ انصاف اعظم نظیر تارڑ ءِ گوما پریس کانفرنس ءِ ساھت ءَ کت۔ آئی ءَ گوشت کہ ٹیلی کام بل ءِ ھوالگ ءَ الس ءُ پارلیمنٹ ءَ را سرپد کنگ سک باز المی اِنت، کوھنیں ٹیلی کام ایکٹ استیں دور ءِ لوٹ آنی رد ءَ نہ بوتگ، بل ءِ مول ءُ مراد مزن وزیر ءِ وژن ءِ رد ءَ انٹرنیٹ ءِ پجاری ءَ را گہتر کنگ اِنت۔ آئی ءَ گوشت کہ آئی ٹی ءِ وزیر ءِ بستار ءَ منی ذمہ واری اِنت کہ من ترندیں انٹرنیٹ ءِ پجاری ءَ را ممکن بہ کناں۔ آئی ٹی ءِ بل 6 ماہ ءَ تاں راجی اسمبلی ءَ بوتگ، بل سینیٹ ءَ چہ کمیٹی ءَ دیم دیگ بوتگ ءُ بند کنگ بوتگ، جمہوریت ءِ زیبائی ہمیش انت۔ شزہ  فاطمہ خواجہ ءَ گوشت کہ بل ءِ بزانت ایش نہ اِنت کہ کسے ءِ نجی زمین ءِ سر ءَ قبضہ کنگ بیت، بل ءِ ھوالگ ءَ منی ءُ آئی ٹی سیکرٹری ءِ ھلاپ ءَ میڈیا ءَ بے وسی ءِ ھلاسی بوتگ، آئی ءَ مزن وزیر ءَ را گوشت کہ آ بل ءِ ھوالگ ءَ جتگیں الزام آنی پٹ ءُ پول ءَ بہ کنت۔ آئی ءَ گوشت کہ ما دگنیا ءِ مزنیں سپیکٹرم نیلامی کتگ، تپاکی ءِ گوما کانود جوڑ کنگ بوھگ ءَ اِنت۔ آئی ءَ گوشت کہ منی ءُ آئی ٹی سیکرٹری ءِ سر ءَ بے بنیں مالی نپ آنی الزام جنگ بوتگ، مارا سرجمیں ھک است کہ مئے سر ءَ جتگیں مالی الزام آنی سر ءَ قانونی کارروائی کنگ بہ بیت۔ اے موہ ءِ سر ءَ تران کنان ءَ وفاقی وزیر کانود ءُ انصاف اعظم نظیر تارڑ ءَ گوشت کہ ٹیلی کام بل ءِ ھوالگ ءَ میڈیا ءَ بے جاہ پبلسٹی کنگ بوتگ، اے تاثر سرجم ءَ رد اِنت کہ بل ءِ وسیلگ ءَ کسے ءِ نجی جائیداد ءِ سر ءَ قبضہ کنگ بوھگ ءَ اِنت۔ آئی ءَ گوشت کہ بل ءِ آڑ ءَ آئی ٹی ءِ وزیر ءُ آئی ٹی سیکرٹری ءِ سر ءَ مالی نفع ءِ الزام جنگ بوتگ ۔ آئی ءَ گوشت کہ مزن وزیر ءِ وژن ءِ رد ءَ سرجمیں ملک ءَ انٹرنیٹ پجارینگ آئی ٹی وزارت ءِ ذمہ واری انت، کمیٹی ءَ کسے ءَ را انعام دیگ ءِ ثبوت نہ دیستگ، بل راجی اسمبلی ءَ 6 ترمیم ءِ گوما منظور کنگ بوتگ۔ وزیر ءِ کانود ءَ گوشت کہ ملک ءِ زالبول ءُ ورنا فری لانسنگ ءِ وسیلگ ءَ لوگ ءَ نندگ ءَ چہ زرّ کمائینگ ءَ اَنت، اے بل گیشتر ھما ھاوسنگ سوسائٹی آنی بابت ءَ بوتگ کہ آ معاہدہ کنگ ءَ پد دیم ءُ پُشت ءَ رو اَنت، شہری آنی نجی زمین آنی وسیلگ ءَ فائبر ءِ چلائینگ ءِ واستہ واھند آنی اجازت گرگ المی اِنت۔ آئی ءَ گوشت کہ اگاں یک شہری یے انٹرنیٹ ءِ واستہ وتی ذاتی مڈی ءَ دیگ نہ لوٹ ایت گڈا اے آئی ءِ کانودی حق انت، ما اے گپ ءَ سک پدر کنگ ءَ ایں کہ اے بل ءَ زوراکی ءَ کسے ءِ ذاتی مڈی آناں تاوان نہ رسیت۔