کیپٹن  کرنل  شیرخان شہید ءِ ہمت ءُ قربانی پہ راج ءَ مدام رژن ءِ چراگ بیت، سردار ایاز صادق

اسلام آباد۔5جولائی  (اے پی پی): راجی اسمبلی ءِ اسپیکر سردار ایاز صادق ءَ کیپٹن کرنل شیرخان شہید (نشان حیدر) ءِ 27می بیرانی ءِ سالروچ ءِ درگت ءَ آئی ءَ را یات کنان ءَ گوشت کہ کیپٹن کرنل شیر خان شہید ءَ وتی جان ندر کتگ ءُ   کارگل ءِ ساھت ءَ  وتی جان ندر کتگ۔ دیما. یک شمبے ءِ روچ ءَ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ اسپیکر سردار ایاز صادق ءَ گوشت کہ کیپٹن کرنل شیرخان شہید ءِ نمیرانیں قربانی راج ءَ را مدام یات بیت۔ آئی ءَ گوشت کہ کارگل ءِ محاذ ءِ سر ءَ کیپٹن کرنل شیرخان شہید ءِ تمرد ءُ بہادری ملکی راجدپتر ءِ یک رژنائیں باب اِنت ءُ سرجمیں راج ءَ را اے مزنیں بامرد ءِ قربانی ءِ سر ءَ پھر اِنت۔ اسپیکر سردار ایاز صادق ءَ گوشت کہ کیپٹن کرنل شیرخان شہید ءِ مزنیں قربانی نوکیں نسل ءِ واستہ راج دوستی ءِ یک رژنائیں درور انت۔ آئی ءَ گوشت کہ پاکستان ءِ سلاھ بندیں اُرد ءِ سپاھیگ ءُ افسر آں مدام وطن ءِ رکھینگ ءِ واستہ ابدمانیں قربانی داتگ انت۔ آئی ءَ گیش گوشت کہ پاکستانی راج مدام وتی سلاہ بندیں اُرد ءُ سیکورٹی ادارگ آنی گوما سیسہ ءِ دیوال ءِ رنگ ءَ اوشتاتگ۔ قومی اسمبلی ءِ صدر ءَ گوشت کہ جنگ ءَ راستی ءِ راجدپتری سوبمندی ءِ پد ءَ سرجمیں راج اللہ تعالیٰ ءِ شکر گزار انت ۔ آئی ءَ گوشت کہ راستی ءِ جنگ ءِ جرات، سلاہ بندیں اُرد آنی پیشہ وارانہ توانائی، ءُ راج ءِ یکوئی ءُ ایمان ءِ درشان اِنت۔ اے موہ ءِ سر ءَ اسپیکر سردار ایاز صادق ءَ کیپٹن کرنل شیر خان شہید ءِ مزن اگدہ ءِ واستہ دعا لوٹائینتگ۔