مزن وزیر ءُ تہی کارانی وزیر طلال چوہدری ءِ  جوانیں گامگیج ءِ سبب ءَ ناجائزیں مائیگریشن 47درسد کم بوتگ

ویانا/آسٹریا۔4جولائی  (اے پی پی):‎‎ وزیر ءِ تہی کار طلال چوہدری ءَ گوشت کہ پاکستان ءِ ناجائزیں مائیگریشن  ءِ ھلاپ ءَ سوبمندیں گامگیج دگنیا ءِ واستہ مثال جوڑ بوتگ، مزن وزیر محمد شہباز شریف ءُ نقوی تہی کارانی وزیر محسن ءِ موثریں گامگیج ءِ سبب ءَ ناجائزیں مائیگریشن  ءِ تہ ءَ 47درسد کمی بوتگ۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ آئی ءَ ’’مہاجر قاچاق ءِ ھلاپ ءَ گلوبل الائنس‘‘ ءِ مزن تک ءِ دیوان ءَ بھر زوری کتگ۔ گند ءُ نند ءَ یورپی یونین ءَ ناجائزیں مائیگریشن  ءِ تہ ءَ مزنیں کساسے ءَ کمی ءِ واستہ پاکستان ءِ جوانیں گامگیج آناں ساڑاتگ۔ اے موہ ءِ سر ءَ تہی کارانی وزیر طلال چوہدری ءَ گوشت کہ غیر کانودی ممائیگریشن  ءِ حلاف ءَ پاکستان ءِ کامیابیں گامگیج دگنیا ءِ واستہ درور جوڑ بوتگ۔ مزن وزیر محمد شہباز شریف ءُ وزیر توکی کار محسن نقوی ءِ جوانیں گامگیج ءِ سبب ءَ ناجائزیں مائیگریشن  ءِ تہ ءَ 47درسد کمی بوتگ۔ آئی ءَ گوشت کہ ناجائزیں مائیگریشن  سیم سر نہ اِنت بلکیں یک جھان ءِ چیلنج اِنت، یکجائی گامگیج ناگزیر اِنت، کانودی مائیگریشن  ءِ واستہ موہ آناں گیش کنگ وھد ءِ ضلورت اِنت، نوکیں ٹیکنالوجی، انٹیلی جنس ءِ بھر ءُ بانگ ءُ یکجائی گامگیج انسانی سوداگری ءِ تہنا موثر گیواری اِنت۔ طلال چوہدری ءَ گوشت کہ ایمن، منظم ءُ قانونی مائیگریشن  ءِ دیمروئی ءَ ابید ناجائزیں مائیگریشن  ءِ سر ءَ جوانیں رنگ ءَ گر ءُ دار کنگ نہ بیت۔ گلوبل الائنس ءِ شریکیں مردماں غیر قانونی مائیگریشن  ءِ حلاف ءَ ایف آئی اے ءِ موثر کارکردگی ءِ توسیپ کتگ۔