وفاقی وزیر برائے میری ٹائم آرگنائزیشن ءِ سیکرٹری جنرل ءَ گوں گند ءُ نند کتگ، بلیو اکانومی  ءُ چاگرد دوستیں گامگیج آنی بابت ءَ گپ ءُ تران

استنبول ۔4جولائی  (اے پی پی): وفاقی وزیر برائے دریائی کارانی محمد جنید انور چوہدری ءَ گشتگ کہ بندرگاہ آنی نوک کنگ ءُ دریائی سرمایہ کاری حکومت ءِ اولی ترجی انت۔ شمبے ءِ روچ ءَ وزارت ءِ میری ٹائم ءِ نیمگ ءَ چہ جاڑی بوتگیں بیان ءِ رد ءَ وفاقی وزیر میری ٹائم محمد جنید انور چوہدری ءَ استنبول ءَ میاں اوستمانی میری ٹائم آرگنائزیشن ءِ سیکریٹری جنرل ارسینیو ڈومینگز  ءَ گوں گند ءُ نند کتگ، ایشی ءِ تہ ءَ پاکستان ءِ تہ ءَ جاری سیری ٹائم ءُ پاکستان ءِ جاری گہتری کار ءِ سر ءَ سرجمیں گپ ءُ تران کنگ بوتگ۔ ماحول دوستیں گامگیج ءِ سرا کار کنگ ءَ انت۔ وفاقی وزیر ءَ سیکرٹری جنرل ءَ را پاکستان ءِ بندرگاہ آناں نوکیں رنگ ءَ جوڑ کنگ، میری ٹائم سیکٹر ءَ سرمایہ کاری ءِ دیمروئی ءُ نیلیں معیشت ءِ دیمروئی ءِ واستہ حکومت ءِ نیمگ ءَ چست کتگیں گامگیج آنی بابت ءَ سرپد کت۔ آئی ءَ گوشت کہ حکومت میری ٹائم سیکٹر ءَ را نوک جوڑ کنگ، برجائی دیمروئی ءِ مول ءُ مراد آنی سرجمی ءُ میاں اوستمانی کمک ءَ را دیمروئی دیگ ءِ واستہ سرجمیں گہتری کار آنی سر ءَ کار کنگ ءَ انت۔ گند ءُ نند ءِ ساھت ءَ دوئیں نیمگ ءَ جہاز ری سائیکلنگ، بلو اکانومی، میری ٹائم گورننس ءُ چاگردی رکھینگ ءِ شوبگ آنی تہ ءَ کمک ءِ تہ ءَ گیشی ءِ سر ءَ ھم تپاک کنگ بوت۔ محمد جنید انور چوہدری ءَ دگہ چاگرد دوستیں گامگیج آنی سر ءَ ھم چمشانک دات، ایشی ءِ تہ ءَ پاکستان ءَ کوسٹل چاگرد ءِ رکھینگ ءِ واستہ مینگرو ءِ کشت ءُ کشار ھوار اِنت۔ اے موہ ءِ سر ءَ آئی ایم او ءِ سیکرٹری جنرل آرسنیو ڈومنگوز ءَ پاکستان ءِ میری ٹائم سیکٹر ءَ جاری گہتری کار ءُ نوکیں پیشرفت ءِ توسیپ کت ءُ جہاز ری سائیکلنگ، نیلیں معیشت ءُ میری ٹائم گورننس ءِ دیمروئی ءِ واستہ حکومت ءِ کوشست آناں توسیپ کت۔ آئی ءَ مینگرو ءِ کشت ءُ کشار ءَ را چاگردی رکھینگ ءِ واستہ جوانیں ءُ ستا کرزیں گامگیج ھم لیک اِتگ۔ آرسینیو ڈومنگوز ءَ پاکستان ءِ تر ءُ تاب ءِ واستہ دلچسپی ءِ درشانی کت ءُ میری ٹائم سیکٹر ءَ کمک ءَ را گیش دیمروئی دیگ ءُ برجاھیں منصوبگ آنی سر ءَ چار ءُ تپاسی کنگ ءِ واستہ زوت پاکستان ءِ تر ءُ تاب ءِ ارادہ ءِ نشاندہی کت۔ گند ءُ نند ءِ گڈ ءَ فریقین ءَ پاکستان ءُ انٹرنیشنل میری ٹائم آرگنائزیشن ءِ نیام ءَ یک ایمن، پائیدار ءُ نوکیں میری ٹائم سسٹم ءِ دیمروئی ءُ نیلیں معیشت ءَ گوں ہمگرنچیں موہ آناں سرجمی ءَ کارمرد کنگ ءِ واستہ یکوئی ءِ جزم ءِ درشان کت۔