مزن وزیر ورنا پروگرام ءِ چیئرمین رانا مشہود احمد خان ءَ اقوام متحدہ ءِ زالبول پاکستان ءِ ملکی نمائندہ جمشید قاضی ءَ گوں گند ءُ نند

اسلام آباد۔3جولائی  (اے پی پی): مزن وزیر ورنا پروگرام ءِ چیئرمین رانا مشہود احمد خان ءَ مزن وزیر کارگس ءَ اقوام متحدہ ءِ زالبول پاکستان ءِ ملکی نمائندہ جمشید قاضی ءَ گوں گند ءُ نند کت۔ گند ءُ نند ءَ ورنا آنی دیمروئی ءُ زالبول آناں توانائی ءِ واستہ وت مہ وتی کمک ءِ جتاجتائیں موہ آنی سر ءَ سرجمی ءَ گپ ءُ تران کنگ بوت۔ جمعہ ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں بیان ءِ رد ءَ دیوان ءَ اقوام متحدہ ءِ زالبول پاکستان ءِ ملکی نمائندہ جمشید قاضی، نائب ملکی نمائندہ حمیدہ اقبال خان، پروگرام منیجر سومن احسن، پروگرام آفیسر ذیشان حسین ءَ شریک بوتگ وھدیکہ سینئر پروگرام افسر ءُ وزیر یوتھ ءِ نمائندہ ھوار بوتگ انت۔ چیئرمین مزن وزیر ورنا پروگرام ءَ اقوام متحدہ ءِ زالبولانی ڈل ءَ را وش آتک کت ءُ زالبول آنی ھک، صنفی برابری ءُ زالبول آنی بااختیار کنگ ءِ واستہ تنظیم ءِ برجاھیں کوشست آناں ساڑات۔ آئی ءَ مزن وزیر ءِ ورنا پروگرام ءُ ایشی ءِ پرچم بردار 4Es گامگیج ءِ سر ءَ سرجمیں بریفنگ دات کہ ایشی ءِ مول ءُ مراد وانگ ءُ زانگ، روزگار، چاگردی ھوار بوھگ ءُ چاگرد ءِ پڑ ءَ ورنا آناں جوانیں موہ پجارینگ اِنت۔ رانا مشہود احمد خان ءَ گوشت کہ زالبول آناں بااختیار جوڑ کنگ مزن وزیر ءِ ورنا پروگرام ءِ مستریں ترجی آنی تہ ءَ یک اِنت۔ آئی ءَ گوشت کہ مزن وزیر ءِ کاروباری ءُ کشت ءُ کشاری وام ءِ اسکیم ءِ تہ ءَ زالبول آنی واستہ درستیں زمرے آنی تہ ءَ 25درسد کوٹہ ایر کنگ بوتگ وھدیکہ راجی ورنا روزگار منصوبگ ءِ تہ ءَ لیبر فورس ءِ تہ ءَ زالبول آنی بھر زوری ءَ را 35درسد ءَ تاں گیش کنگ ءِ ٹارگٹ ایر کنگ بوتگ۔ دگہ ھاسیں گامگیج پہ ورنائیں جنین آدماں دیم ءَ آرگ بوتگ اَنت۔ چیئرمین ءَ مزن وزیر ءِ ورنا پروگرام ءِ بزنس لون اسکیم ءِ آسراتی ءِ مرکز ءِ جوڑ کنگ ءِ منصوبگ ءِ سر ءَ ھم زور پر دات، ایشی ءِ تہ ءَ درستیں 25 بھر زوروکیں بینک ءُ مائیکرو فنانس ادارگ یکیں پلیٹ فارم ءِ سر ءَ دستیاب بنت تانکہ ورنا ھاسیں رنگ ءَ زالبول آناں مالی کمک ءُ کاروباری رہشونی ءِ تہ ءَ آسانیں رسائی ءِ پھجارینگ بہ بیت۔ آئی ءَ ڈیجیٹل یوتھ ہب ءِ ھم گپ جتگ کہ اے پاکستان ءِ اولی جامع ڈیجیٹل پلیٹ فارم اِنت ءُ ورنا آناں یک جاہ ءَ وانگ ءُ زانگ، روزگار، کاروباری، مہارت ءِ دیمروئی ءُ ایندگر موہ آنی گوما ھمگرنچ کنت۔ روزگار ءُ مہارت ءِ دیمروئی ءِ ھوالگ ءَ گامگیج آنی سر ءَ تران کنان ءَ چیئرمین ءَ ورنا آنی مہارت آنی دیمروئی ءِ پروگرام، نیشنل انوویشن ایوارڈ ءُ ڈیجیٹل یوتھ ہب ءِ ذکر کت۔ آئی ءَ گوشت کہ ڈیجیٹل یوتھ ہب ءَ تاں انوگ ءَ 8لکھ ءَ چہ گیش کارمرز کنوک ءُ 3ہزار ءَ چہ گیش کمپنی آں رجسٹرڈ کتگ ایشی ءَ چہ ورنا آنی واستہ روزگار، کاروبار ءُ ہنر ءِ موہ آنی یک مھکمیں نظام ءِ جوڑ بوھگ ءَ انت۔ آئی ءَ اے گپ ءِ سر ءَ زور پر دات کہ ورنا ءُ زالبول آنی دیمروئی ءِ واستہ کار کنوکیں توامیں راجی ءُ میاں اوستمانی شریک آناں یکجائی پلیٹ فارم ءِ سر ءَ آرگ بہ بیت تانکہ گیش ءَ چہ گیش جوانیں آسراتی رس ایت۔ جمشید قاضی ءَ مزن وزیر ءِ ورنا پروگرام ءِ سرجمیں وژن ءِ توسیپ کنان ءَ گوشت کہ اقوام متحدہ ءِ زالبول پاکستان زالبول ءُ جنک آناں بااختیار جوڑ کنگ ءِ واستہ مزن وزیر ءِ ورنا پروگرام ءِ گوما کار کنگ ءِ واھشت مند اِنت۔ آئی ءَ گوشت کہ پاکستان ءِ بے کساسیں زالبول آنی تہ ءَ توانائی ءِ ھست انت بلے آھاں وتی کاروبار یا منصوبگ آنی تہ ءَ گیشی ءِ واستہ مہارت ءِ تربیت، سرپرستی، مارکیٹ ءِ رسائی، وسیلگ ءُ موہ آنی تہ ءَ رسائی نیست۔ آئی ءَ وتی جزم ءِ درشان کت کہ اقوام متحدہ ءِ زالبول پاکستان مزن وزیر ءِ ورنا پروگرام ءِ کمک ءَ تربیت، صلاحیت سازی، زانت ءِ بدلی ءُ گیشیں رسائی ءِ وسیلگ ءَ اے کمی آناں پُر کنگ ءِ واستہ یکجائی گامگیج چست کنت۔ جمشید قاضی ءَ اقوام متحدہ ءِ زالبولیں پاکستان ءِ آیوکیں زالبولیں رہشونانی رہشونی پروگرام ءِ بابت ءَ ہم سرپدی دات کہ ایشی ءِ مول ءُ مراد سیاست ءُ رہشونی ءِ تہا دلچسپی داروکیں زالبولانی رہشونی ءُ گنجائش ءَ را گیش کنگ اِنت۔ آئی ءَ گوشت کہ اقوام متحدہ ءِ زالبول مزن وزیر ءِ ورنا پروگرام ءِ کمک ءَ اے پروگرام ءِ بندات کنگ ءِ واھشت مند انت۔ گند ءُ نند ءِ گڈ ءَ دوئیں نیمگ ءَ جتا جتائیں پڑ آنی تہ ءَ وت مہ وتی کمک ءَ را گیش کنگ، یکجائی منصوبگ آنی سر ءَ کار کنگ ءُ سرجمیں پاکستان ءَ ورنا ءُ زالبول آنی واستہ گیش موہ پیداک کنگ ءِ واستہ وتی جزم ءِ پدا زور دات۔