وفاقی وزیر جان سلامتی  ءَ گوں جنیوا  انڈونیشیا ءِ وزیر جان سلامتی  ٰگند ءُ نند

اسلام آباد۔3جولائی  (اے پی پی): وفاقی جان سلامتی ءِ وزیر سید مصطفیٰ کمال ءَ جنیوا ءَ انڈونیشیا ءِ جان سلامتی ءِ وزیر ءَ گوں گند ءُ نند کتگ، ایشی ءِ تہ ءَ دوئیں ملک آنی نیام ءَ جان سلامتی ءِ شوبگ ءَ کمک ءُ وت مہ وتی دلچسپی ءِ جیڈھ آنی سر ءَ گپ ءُ تران کنگ بوتگ۔ وزارت جان سلامتی ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ پاکستان ءُ انڈونیشیا ءِ نیام ءَ جان سلامتی ءِ شوبگ ءَ کمک ءَ را گیش مھکم کنگ ءِ سر ءَ تپاک کنگ بوتگ۔ دوئیں بامرداں اے گپ ءِ سر ءَ زور پر دات کہ پاکستان ءُ انڈونیشیا ءِ نیام ءَ براتی ءُ مھکمیں سیادی است انت، ایشی ءَ را جان سلامتی ءِ شوبگ ءَ گیش پراھی کنگ بیت۔ وزیر جان سلامتی مصطفیٰ کمال ءَ پاکستان ءَ بنجاہی تک ءَ ویکسین ءِ جوڑیشت ءَ را المی لیکگ ءَ گوشت کہ حکومت ویکسین ءِ جوڑیشت ءِ واستہ راجی گنجائش ءِ تہ ءَ گیشی ءِ واستہ عملی گامگیج کنگ ءَ انت۔ آئی ءَ گوشت کہ ایشی ءِ واستہ انڈونیشیا پاکستان ءِ ھاسیں ءُ معتبریں شریک انت، پاکستان انڈونیشیا ءِ نوکیں ٹیکنالوجی ءُ تجربت آناں سرجمی ءَ کارمرد کنگ لوٹ ایت۔ گند ءُ نند ءَ پاکستان ءَ لوکل ویکسین جوڑ کنگ ءِ تہ ءَ پیشرفت ءُ جاری گامگیج آنی سر ءَ ھم ھیال ریچی کنگ بوت۔ انڈونیشیا ءِ جان سلامتی ءِ وزیر ءَ دل یکیمی دات کہ آئی ءِ ملک ویکسین ءِ جوڑ کنگ، ٹیکنالوجی ءِ ٹرانسفر ءُ صلاحیت سازی ءِ ھوالگ ءَ پاکستان ءِ گوما ھمک رنگ ءِ کمک ءَ کنت۔ دوئیں وزیر جان سلامتی ءَ دوئیں ملک آنی اُلس ءَ را نوکیں، کیفیت ءُ جوانیں  طبی آسراتی ءِ پھجارینگ ءِ واستہ یکجائی ءَ کار کنگ ءِ جزم ءِ درشانی کت۔