مزن وزیر شہباز شریف مزن تک ءِ ڈل ءِ گوما تہران ءَ سر بوتگ، آیت اللہ سید علی خامنہ ای ءِ جنازہ ءَ بہر زوریت

تہران۔3جولائی  (اے پی پی): مزن وزیر محمد شہباز شریف مزن تک ءِ ڈل ءِ ھمراھی ءَ ایران ءِ یک روچی تر ءُ تاب ءِ واستہ تہران ءَ شتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را مہرباد بالی پٹ ءَ ایران ءِ تہی کارانی وزیر سکندر مومنی، تہران ءَ پاکستان ءِ سفیر عمران احمد صدیقی ءُ پاکستان ءُ ایران ءِ مزنیں سفارتی کارندہ آں وش اتک کتگ۔ مزن وزیر شہباز شریف ایران ءِ شہیدیں سروک آیت اللہ سید علی خامنہ ای ءِ تہران ءَ جنازہ ءِ مراگش ءَ بہر زوریت۔ مزن وزیر پاکستانی الس ءُ حکومت ءِ نیمگ ءَ ایرانی سروکی ءُ غم ءِ آماچیں کھول آناں گوں دلپدردی ءِ درشان کنت ءُ اے غم ءِ ساھت ءَ براتیں ایرانی راج ءِ گوما پاکستان ءِ سرجمیں یکوئی ءِ درشان کنت۔ راجی اسمبلی ءِ اسپیکر سردار ایاز صادق، نائب مزن وزیر ءُ دری کارانی وزیر سینیٹر محمد اسحاق ڈار، آرمی ءِ سروک ءُ دفاعی فورسز ءِ سروک فیلڈ مارشل سید عاصم منیر، وفاقی وزیر ءِ اھوالکاری ءُ شنگکاری عطا اللہ تارڑ، چیئرمین پاکستان پیپلز پارٹی بلاول بھٹو زرداری، سیکرٹری جنرل سید نیئر حسین بخاری ، سر وزیر سندھ سید مراد علی شاہ ءُ  پارلیمان ءِ باسک  مزن وزیر ءِ ھمبراہی ءَ بھر زوری کنگ ءَ اتنت۔