پارلیمانی امور ءِ وفاقی وزیر ڈاکٹر طارق فضل چوہدری ءَ دانا سر ءَ بس ءِ غمناکیں وئیل ءِ سر ءَ دلپدردی ءِ درشانی

اسلام آباد۔3جولائی  (اے پی پی): خیبر پختونخوا ءُ بلوچستان ءِ سیمسر ءِ دمگ دانا سر ءَ بوتگیں بس ءِ غمناکیں وئیل ءِ سر ءَ پارلیمانی کارانی وفاقی وزیر ڈاکٹر طارق فضل چوہدری ءَ دلپدردی ءُ رنج ءِ درشانی کتگ۔ جمعہ ءِ روچ ءَ سوشل نیٹ ورکنگ ءِ ویب سائٹ ایکس ءِ سر ءَ وتی دلپدردی ءِ کلوہ ءِ تہ ءَ آئی ءَ گوشت کہ اے سکیں دل کشیں حادثہ اِنت، آئی ءِ دل گران بھائیں انسانی جان آنی بیرانی ءَ چہ دلپدرد اِنت ءُ آ زیان بوتگیں ھاندان آنی غم ءَ گوں ھمگرنچ اِنت۔ دعا انت کہ اللہ تعالیٰ بیران بوتگیں مردماں جنت ءِ تہا بُرزیں جاگہے بہ دنت، غم ءِ آماچیں ھانداناں صبر ءُ اوپار بہ دنت ءُ ٹپیگاں زوت سرجمی ءَ وش ءُ سلامت بہ کنت۔ آئی ءَ گوشت کہ مشکل ءِ اے ساھت ءَ مئے درستیں ھمدردی آماچیں ھاندان ءِ گوما انت۔