مزن وزیر شہباز شریف ءَ سرجمیں ملک ءَ غیر معیاری سرنجز  جوڑ کنگ ءُ کارمرد کنگ ءِ سر ءَ سرجمیں بندش ءِ پنت ءُ شون

اسلام آباد۔3جولائی  (اے پی پی): مزن وزیر محمد شہباز شریف ءَ سرجمیں ملک ءَ غیر معیاری سرنج جوڑ کنگ ءُ کارمرد کنگ ءِ سر ءَ سرجمیں بندش جنگ ءِ پنت ءُ شون کتگ ءُ مجرمانہ لاپرواہی ءِ مجرمیں مردم ءُ ہسپتال آنی حلاف ءَ کانودی کارروائی کنگ ءِ پنت ءُ شون کتگ تانکہ وائرس ءِ نادراہی آنی شنگ ءُ تالان ءَ را ترندیں رنگ ءَ گر ءُ دار کنگ بہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ مزن وزیر شہباز شریف ءِ سروکی ءَ ایڈز ءُ ہیپاٹائٹس سی ءِ وڑیں وائرس ءِ گر ءُ دار ءِ واستہ کتگیں گامگیج آنی ھوالگ ءَ چار ءُ تپاسی دیوان برجم دارگ بوت۔ گند ءُ نند ءَ وفاقی کانود ءِ وزیر اعظم نظیر تارڑ، جان سلامتی ءِ وزیر ءِ مملکت ڈاکٹر مختار احمد بھرتھ، اٹارنی جنرل آف پاکستان منصور اعوان ، گلوبل فنڈ کی نمائندہ Izaskun Gaviria، پبلک ہیلتھ  ءِ وزارت ءِ نمائندہ، ڈی آر اے پی ءُ مزنیں سرکاری کارندہ آں بہر زرتگ۔ مزن وزیر ءَ دیوان ءَ گوں گشتانک دیان ءَ پنت ءُ شون کت کہ سرجمیں ملک ءَ نا معیاری سرنج جوڑ کنگ ءُ کارمرد کنگ ءِ سر ءَ سرجمیں بندش جنگ بہ بیت تانکہ انفیکشن ءِ نادراہی ءِ شنگ ءُ تالانی ءَ را ترندیں رنگ ءَ گر ءُ دار کنگ بہ بیت۔ آئی ءَ پنت ءُ شون کتگ کہ ناجائزیں سرنج ءِ کارمرد کنگ ءَ ھواریں مردم ءُ نادراھجاھانی ھلاپ ءَ یا ایشی ءِ گر ءُ دار ءِ تہ ءَ مجرمانہ لاپروائی ءِ مجرمیں مردمانی ھلاپ ءَ قانونی کارروائی کنگ ءُ وائرس ءِ نادراھیانی گر ءُ دار ءِ ھاترا کارشناس آنی ھاسیں کمیٹی جوڑ کنگ بہ بیت ءُ گوشت کہ کمیٹی وتی سفارش ءِ جوڑ کنگ ءِ وھد ءَ صوبگ آنی گوما شور ءُ سلاھ ءَ را دل یکیمی بہ کنت۔ مزن وزیر ءَ وزارت ءِ کانود ءُ سیادی داروکیں ادارگ آنی کمک ءَ کانودی ءُ ریگولیٹری فریم ورک ءَ المی ترمیم ءِ شور ءُ سلاھ ءِ ھم پنت ءُ شون کتگ۔ آئی ءَ گوشت کہ اے جیڈھ ءِ گیواری راجی تک ءَ یک ٹوھیں حکمت عملی ءِ جوڑ کنگ ءُ جوانیں رنگ ءَ ایشی ءِ سر ءَ عمل کنگ اِنت۔ سرنج ءِ وسیلگ ءَ چہ وائرس ءِ نادراھیانی شنگ ءُ تالان ءَ را دائمی رنگ ءَ گر ءُ دار کنگ ءِ ھاترا ڈریپ میڈیکل سامان ءِ صنعت ءِ گوما شور ءُ سلاھ ءَ پالیسی ءِ گامگیج پیش کنگ بہ بنت۔ مزن وزیر ءَ گوشت کہ نادراھیانی گر ءُ دار ءِ برجاھیں کوشست آنی تہ ءَ میاں اوستمانی شریک آنی کمک سک باز المی اِنت۔ درمان ءِ ھوالگ ءَ سامان جوڑ کنگ ءُ جان سلامتی ءِ پڑ ءِ کارندہ آناں جھان ءِ درجہ ءِ تربیت ءِ سر ءَ ھم ھاسیں دلگوشی دیگ لوٹ ایت۔ دیوان ءَ مزن وزیر ءُ وزارت جان سلامتی ءِ پنت ءُ شون ءِ رد ءَ جوڑ بوتگیں ھاسیں ٹاسک فورس ءِ نیمگ ءَ چہ نادراھیانی شنگ ءُ تالان ءِ گر ءُ دار ءِ ھاترا چست کتگیں گامگیج آنی بابت ءَ سرپدی دیگ بوت۔