مزن وزیر شہباز شریف ایران ءَ روگ ءَ انت، آیت اللہ سید علی خامنہ ای ءِ جنازہ ءَ بہر زوریت

اسلام آباد۔3جولائی  (اے پی پی): مزن وزیر محمد شہباز شریف ایران ءِ تر ءُ تاب ءَ شتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ راجی اسمبلی ءِ سپیکر قومی اسمبلی سردار ایاز صادق، نائب مزن وزیر  و ءُ درئی کار  سینیٹر محمد اسحاق ڈار، وفاقی وزیرِ  اھوالکاری ءُ   شنگ کاری  عطاء اللہ تارڑ،  پاکستان پیپلز پارٹی  ءِ  چیئرمین بلاول بھٹو زرداری،   پاکستان پیپلز پارٹی  ءِ  سیکرٹری جنرل نیئر  حسین بخاری  ءُ   سر وزیر  سندھ سید مراد علی شاہ  مزن وزیر ءِ ھمبراہ اَت۔  مزن وزیر شہباز شریف ایران ءِ سروک شہید سپریم لیڈرآیت اللہ سید علی خامنہ ای  ءِ  جنازہ ءِ مراگش ءَ بہر زوریت۔ مزن وزیر پاکستانی الس ءُ حکومت ءِ نیمگ ءَ ایرانی الس ءُ غم ءِ آماچیں کھول آناں گوں دل ءِ جہلانکی ءَ چہ دلپدردی ءِ درشان کنت ءُ اے غم ءِ ساھت ءَ براتیں ایرانی راج ءِ گوما پاکستان ءِ سرجمیں یکوئی ءِ درشان کنت۔ ایشی ءَ پد مزن وزیر چہ تہران ءَ ترکی ءِ دو نیمگی تر ءُ تاب ءَ استنبول ءَ روگ ءَ اِنت۔