پی سی بی ءِ چیئرمین محسن نقوی کنگ فہد عبدالعزیز یونیورسٹی ءِ کرکٹ اسٹیڈیم ءِ تر ءُ تاب

لاہور۔3جولائی  (اے پی پی): جدہ ءَ پاکستان کرکٹ بورڈ ءِ چیئرمین محسن نقوی ءَ گوں سعودی عرب کرکٹ فیڈریشن ءِ چیئرمین شہزادہ سعود بن مشعل السعود ءَ کنگ فہد عبدالعزیز یونیورسٹی ءِ کرکٹ اسٹیڈیم ءِ تر ءُ تاب کتگ۔ پی سی بی ءِ جارکش ءِ رد ءَ تر ءُ تاب ءِ ساھت ءَ محسن نقوی ءَ اسٹیڈیم ءِ جتا جتائیں سیکشن ءُ انکلوژر آنی سر ءَ سرجمیں چار ءُ تپاسی کتگ وھدیکہ پیش کرتگیں بدلی ءُ آسراتی آناں گہتر کنگ ءِ ھوالگ ءَ جیڈھ آنی سر ءَ ھم گپ ءُ تران کنگ بوتگ۔ اے موہ ءِ سر ءَ آئی ءَ را اسٹیڈیم ءِ انوگیں جاور ، دیمروئی منصوبگ ءُ آیوکیں منصوبگ آنی ھوالگ ءَ سرجمیں بریفنگ دیگ بوت۔ محسن نقوی ءَ گوشت کہ اے اسٹیڈیم سعودی عرب ءَ کرکٹ ءِ دیمروئی ءِ تہ ءَ مزنیں کردے پیلو کنت ءُ ادا میاں اوستمانی کرکٹ ءِ مراگش آنی برجائی ءِ واستہ زوت راہ پچ کنگ بیت۔ سعودی عرب ءَ کرکٹ ءِ وشیں سفر ءِ بہر بوھگ پاکستان کرکٹ بورڈ ءِ واستہ شرپ ءِ گپ اِنت۔ آئی ءَ سعودی عرب کرکٹ فیڈریشن ءِ چیئرمین شہزادہ سعود بن مشال السعود ءِ کمک ءَ را ساڑات ءُ آئی ءِ ھاسیں منت واری ءِ درشان کت ءُ دوئیں ملک آنی نیام ءَ کرکٹ ءِ پڑ ءَ کمک ءَ را گیش دیمروئی دیگ ءِ جزم ءِ درشان کت۔