صدر ءَ بیلاروس ءِ سروکی ءَ را آجوئی ءِ روچ ءِ درگت ءَ مبارک بات داتگ

اسلام آباد۔3جولائی  (اے پی پی): صدر آصف علی زرداری ءَ بیلاروس ءِ صدر الیگزینڈر لوکاشنکو ءُ الس ءَ را آجوئی ءِ روچ ءَ مبارک بات داتگ۔ جمعہ ءِ روچ ءَ صدارتی ایوان ءِ پریس ونگ ءِ رد ءَ صدر ءَ وتی مبارکی کلوہ ءِ تہ ءَ گوشت کہ منسک ءِ آجوئی ءِ اے راجدپتری روچ بیلاروس ءِ اُلس ءِ آجوئی ءُ حاکمیت ءِ جہد ءِ تہ ءَ جرات ءُ مھکمیں جزم ءِ یادگار اِنت۔ آئی ءَ گوشت کہ اے روچ بیلاروس ءِ امن، برجائی ءُ راجی یکوئی ءِ نیمگ ءَ شانداریں سفر ءِ یک فخر مندیں علامت اِنت۔ صدر آصف علی زرداری ءَ گوشت کہ پاکستان دوئیں ملک آنی نیام ءَ دوستی ءُ کمکی سیادی آناں سک باز ارزشت دنت کہ آ وت مہ وتی بھروسہ ءُ دیمروئی ءِ واستہ یکجائی واھشت آنی سر ءَ بنیات انت۔ آئی ءَ وت مہ وتی مفاد ءِ جتا جتائیں پڑ آنی تہ ءَ دو نیمگی سیادی آناں دیمروئی دیگ ءِ واستہ پاکستان ءِ مھکمیں عزم ءِ سر ءَ زور پر دات۔