وزیراعلیٰ بلوچستان نا دانہ سر اٹی مسافر بس شکست اٹی نہادی انسانی جان تا زیان آ است ہسونی نا درشان

کوئٹہ۔ 03 جولائی (اے پی پی ) وزیراعلیٰ بلوچستان میر سرفراز بگٹی خیبرپختونخوا و بلوچستان نا سیمی علاقہ دانہ سراٹی مسافر بس شکست اٹی نہادی انسانی جان تازیان آ است ہسونی نا درشانی ءِ کرینے۔ وزیراعلیٰ میر سرفراز بگٹی پارے کہ شکست نا حوال ملنگ تون حکومت بلوچستان تعلقدار ادارہ غاتے دمدستی وڑاٹ ریسکیو و کمکی کارروائی تے ترند کننگ نا پارت جاری کرے ۔ ہڑتوم آ صوبہ غاتا ضلعی انتظامیہ ، ایف سی ، ریسکیو ادارہ و تعلقدار محکمہ   شکست نا جاگہ غا کمکی سرجز آتیٹی لگوک ءُ وخت ا س کہ ٹھپی تے وخت آ و گچین طبی آسراتی تا فراوانی ءِ پک کننگ انگ ءِ۔ اوپارے کہ تعلقدار انتظامی آفیسر آک شکست نا سوب آتا سرجمی اٹ جاچ ءِ ہلنگ ءُ و واقعہ نا پورو جاست وپاست کننگ انگ ءِ۔ وزیراعلیٰ بلوچستان تعلقدار کمامدارآتے پارت کرینے کہ او کمکی کارروائی تیٹی ہچ ءُ کسر اس اِلیپس، ٹھپی تے ہرممکن طبی آسراتی و زہمی خاہوت آتے ہرممکن کمک فراوان کننگے۔ میر سرفراز بگٹی زوال کروک آ بندغ آتا خاہوت آتون ہڑزخواہی و ہمدردی نا درشانی ءِ کرسا ٹھپی تا زوت دراخ جوڑی کن دعاکرے۔ اوپارے کہ حکومت بلوچستان دا مشکل ساہت اٹی زہمی خاہوت آتون تفوک ءِ۔