ڈپٹی کمشنر کوئٹہ ءَ چورا آنی گس ءِ تر ءُ تاب کتگ ، زھگانی نیام ءَ اسپورٹس سامان بھر ءُ بانگ

کوئٹہ۔ 01 جولائی (اے پی پی): ڈپٹی کمشنر کوئٹہ مہر اللہ بادینی ءَ دارالفلاح چورا آنی گس کوئٹہ ءِ تر ءُ تاب کتگ، اودا آئی ءَ یتیماں گوں گند ءُ نند کتگ، آہانی گوما وہد گوازینتگ ءُ آہانی جان سلامتی ءِ بابت ءَ جست ءُ پرس کتگ۔ اے موہ ءِ سر ءَ ڈپٹی کمشنر کوئٹہ ءَ دارالفلاح ءِ درستیں زھگانی تہ ءَ لیب ءُ گوازی ءِ سامان بھر ءُ بانگ کت، ایشی ءِ تہ ءَ کرکٹ کٹس، فٹبال، بیڈمنٹن سیٹ، جوتے، لیب ءُ گوازی ءِ یونیفارم ءُ دگہ المی چیز ھوار اَنت تانکہ زھگانی تہ ءَ جان سلامتی ءِ چست ءُ ایر ءُ لیب ءُ گوازی ءِ دلبڈی دیگ بہ بیت۔ ڈپٹی کمشنر مہر اللہ بادینی ءَ گوں ھر یک زھگے ءَ انفرادی رنگ ءَ گپ ءُ تران کت، آھانی وانگ ءُ زانگ، جان سلامتی ءُ آیوکیں واھشتانی بابت ءَ جست ءُ پرس کت ءُ آھاں سک دلبڈی دات ءُ گوشت کہ اے زھگ راج ءِ ارزشتی ایں سرمایہ اَنت۔ آئی ءَ وتی جزم ءِ درشان کت کہ ضلعی انتظامیہ یتیم آنی وشھالی، وانگ ءُ زانگ ءُ جوانیں آیوکیں باندات ءِ واستہ ھرچ وڑیں کمک ءَ را برجاہ دار ایت۔