نائب مزن وزیر محمد اسحاق ڈار ءَ زالبولانی بابت ءَ 9می وزارتی کانفرنس ءِ بندوبست آنی سر ءَ چار ءُ تپاسی ءِ دیوان ءِ سروکی

اسلام آباد۔1جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ زالبول آنی بابت ءَ 9می وزارتی کانفرنس ءِ واستہ مزن تک ءِ کمیٹی ءِ ششمی دیوان ءِ سروکی ءَ کت۔ پاکستان 12 ءُ 13جولائی ءَ اے ھاسیں کانفرنس ءِ میزبانی ءَ کنت۔چار شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ دیوان ءَ کانفرنس ءِ تیاری ءِ گڈی بھر ءِ سر ءَ سرجمیں رنگ ءَ چار ءُ تپاسی کنگ بوتگ، ایشی ءِ تہ ءَ مسودہ پروگرام، کانفرنس ءِ ایجنڈا، پروٹوکول، سیکورٹی ءُ انتظامی ءُ رسد ءِ دگہ بندوبست، رسانکدر، تنظیمی رابطہ ءِ رھبند ھوار اَنت۔ مزن تک ءِ کمیٹی ءَ اے گپ ءِ سر ءَ چار ءُ تپاسی کت کہ کانفرنس ءِ سوبمندی ءُ وشیں برجم دارگ ءِ واستہ درستیں المی ئیں گامگیج وھد ءِ سر ءَ سرجم کنگ بہ بنت۔ کانفرنس ءَ 57 او آئی سی ءِ باسکیں ملک آنی بھر زوری بیت، ایشی ءِ تہ ءَ زالبول آناں بااختیار جوڑ کنگ، شمولیت ءِ دیمروئی ءُ پائیدار دیمروئی ءِ پڑ آنی تہ ءَ وت مہ وتی کمک ءَ را گیش مھکم کنگ ءِ ھوالگ ءَ گپ ءُ تران کنگ بیت۔ نائب مزن وزیر ءَ وزارت انسانی ھک آنی نیمگ ءَ چہ کتگیں پیشرفت ءَ را ساڑات ءُ توامیں سیادی داروکیں ادارگ آناں پنت ءُ شون کت کہ آ وت مہ وتی رابطہ کاری ءَ را گیش جوانیں رنگ ءَ جوڑ بہ کن اَنت ءُ رند ءَ کپتگیں بندوبست آناں وھد ءِ سر ءَ سرجم بہ کن اَنت۔ گند ءُ نند ءَ وفاقی وزیر ءِ کانود، انصاف ءُ انسانی حقانی سینیٹر اعظم نظیر ترار، آئی ٹی ءُ ٹیلی کمیونیکیشن ءِ وفاقی وزیر شازہ فاطمہ خواجہ، مزن وزیر ءِ ھاسیں کمکار طارق باجوہ، درئی کارانی وزیر آمنہ بلوچ، سیکرٹری انسانی حقانی سینئر3\ عبدالخالق official3 ءَ بہر زرتگ۔