بانک  اول آصفہ بھٹو زرداری ءَ ہان سیونگ سوک ءَ را جمہوریہ کوریا ءِ مزن وزیر جوڑ بوھگ ءِ مبارک بات داتگ

اسلام آباد۔1جولائی  (اے پی پی):  بانُک اول ءُ راجی اسمبلی ءِ باسک بی بی آصفہ بھٹو زرداری ءَ ہان سیونگ سوک ءَ را جمہوریہ کوریا ءِ مزن وزیر ءِ بستار ءَ گچین بوھگ ءِ پد ءَ مبارک بات داتگ۔ چار شمبے ءِ روچ ءَ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ بانُک اول ءَ گوشت کہ ھان سیونگ سوک ءِ گچین کنگ ٹیکنالوجی، نوآبادیاتی ءُ کاروبار ءِ پڑ ءَ آئی ءِ شرپداریں سروکی ءِ درشان اِنت۔ آئی ءَ گوشت کہ اے گچینکاری ءِ سروکی ءُ سرکاری کار آنی تہ ءَ زالبول آنی کرد ءَ را دیمروئی دیگ ءِ نیمگ ءَ یک ھاسیں سنگ میل ءِ اِنت۔ بانُک اول ءَ گوشت کہ پاکستان ءُ اسلامی دگنیا ءِ اولی زالبولیں مزن وزیر شھید بے نظیر بھٹو ءِ جنک ءُ پاکستان ءِ بانُک اول ءِ بستار ءَ منی واستہ اے یک بے دروریں شرپ ءُ فخر ءِ وسیلگ اِنت کہ من شمئے جمہوریہ کوریا ءِ مزن وزیر ءِ بستار ءَ گچین بوھگ ءِ سر ءَ دل ءِ جہلانکی ءَ چہ مبارک بات پجارینگ ءَ آں ۔ آصفہ بھٹو زرداری ءَ کوریا ءِ مزن وزیر ءَ را وتی ھاسیں راجی زمہ واری آنی پیلو کنگ ءِ تہ ءَ ھرچ وڑیں سوبمندی ءِ واستہ نیکیں واھشت آنی درشان کت۔ بی بی آصفہ بھٹو زرداری ءَ گوشت کہ محترمہ ہان ءِ گچینکاری اے گپ ءِ پدر کنگ اِنت کہ زالبول سروکی ءِ مزنیں عہدہ آنی سر ءَ وتی سر ءَ زورگ ءَ راجی دیمروئی ءِ تہ ءَ جوانیں کرد پیلو کت کن اَنت۔ خاتون اول ءَ اے گپ ءِ سر ءَ دل یکیمی کت کہ جدت ءِ دیمروئی ءُ کسان ءُ میاں اوستمانی ادارگ آنی کمک ءِ تہ ءَ محترمہ ہان ءِ مزنیں تجربگ جمہوریہ کوریا ءِ برجاھیں دیمروئی ءُ وشھالی ءِ تہ ءَ ھاسیں کرد پیلو کنت۔ آئی ءَ اے امیت ھم درشان کت کہ مزن وزیر ھان سیونگ سوک ءِ سروکی ءَ پاکستان ءُ جمہوریہ کوریا ءِ نیام ءَ دوستی ءِ سیادی ءُ دو نیمگی کمک دوئیں ملک ءُ وتی راج آنی وت مہ وتی نفع ءِ واستہ گیش مھکم بنت۔