آسراتی ءُ  آبادی ءِ نیام ءَ توازن دیمروئی ءِ زامن  اِنت،    آبادی ءِ منصوبہ بندی ءَ را راجی دیمروئی، اقتصادی استحکام ءُ انسانی وسائل ءِ گہتری ءِ گوما ہمگرنچ کنگ لوٹیت،  مزن وزیر شہباز شریف

اسلام آباد۔30جون  (اے پی پی): مزن وزیر محمد شہباز شریف ءَ گوشت کہ وسیلگ ءُ آبادی ءِ نیام ءَ توازن برجمیں دیمروئی ءِ زامن  انت۔ تیزی ءَ گوں گیش بوھوکیں آبادی ءَ چہ راجی وسیلگ آنی سر ءَ زور گیش بوھگ ءَ اِنت ءُ اے دیمروئی ءِ واستہ مزنیں چیلنج اِنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی آبادی ءِ گھبود ءِ ھوالگ ءَ ھاسیں دیوان ءِ سروکی ءَ کنان ءَ کت۔ مزن وزیر ءَ گوشت کہ آبادی ءِ منصوبگ بندی ءَ را راجی دیمروئی، اقتصادی برجائی ءُ انسانی وسائل ءِ دیمروئی ءِ گوما ھمگام کنگ ءِ ضلورت اِنت۔ مزن وزیر ءَ راجی آبادی کونسل ءِ بنداتی دیوان ءَ را زوتاں چہ زوت لوٹائینگ ءُ راجی تک ءَ آبادی ءِ ھوالگ ءَ پالیشی جوڑ کنگ ءِ واستہ زوتاں چہ زوت راجی آبادی کونسل ءِ تنظیمی ڈھانچہ جوڑ کنگ ءِ ہدایت کت۔ مزن وزیر راجی آبادی کونسل ءِ وت مہ وتی ءِ سروکی ءَ کنت۔ راجی آبادی کونسل ءِ تہا چاریں صوبہ آنی سر وزیر، آزات جموں ءُ کشمیر ءِ مزن وزیر، گلگت بلتستان ءِ سر وزیر ءُ ایندگر اسٹیک ہولڈر ھوار بنت۔ گند ءُ نند ءَ ملک ءِ گیش بوھوکیں آبادی ءُ کنٹرول ءُ وشھالی ءِ ھوالگ ءَ گامگیج آنی ھوالگ ءَ سرپد کنگ بوت۔ دیوان ءَ را سرپدی دیگ بوت کہ چاگردی سلامتی ءِ پروگرام آناں ھاندان ءِ منصوبگ بندی ءَ گوں بندوک کنگ بیت، زالبول آنی وانگ ءُ زانگ ءُ آوانی اقتصادی بااختیار کنگ آبادی ءِ کنٹرول ءِ حکمت عملی ءِ یک ھاسیں بھرے بیت، آبادی ءِ توازن ءُ کنٹرول ءِ سر ءَ موثر سرپدی مہم بندات کنگ بیت، اسلامی ملک آنی تہ ءَ آبادی ءِ کنٹرول ءِ سوبمندیں پروگرام بنگلہ دیش، انڈونیشیا ءُ ایران ءِ تہ ءَ راجی کونسل ءِ گوما کمک کنگ بوھگ ءَ انت۔ حکومتاں چہ دیم ءَ اتکگ۔ راجی آبادی کونسل وزارت منصوبہ بندی ءِ سیکرٹریٹ بیت کہ راجی تک ءَ یک موثریں مہم ءِ دیم ءَ برگ ءَ کمک کنت۔ گند ءُ نند ءَ آرمی ءِ سروک ءُ دفاعی اُرد ءِ سروک فیلڈ مارشل سید عاصم منیر، دفاع ءِ وزیر خواجہ محمد آصف، وفاقی وزیر ءِ منصوبہ بندی احسن اقبال، وفاقی وزیر ءِ مالیات ءُ آمدنی محمد اورنگزیب، وفاقی وزیر ءِ اطلاعات ءُ شنگکاری ءِ   عطا اللہ  تارڑ ھم  شریک بوتگ انت۔