پارلیمنٹ راج ءِ واھشتانی راستیں جارکش ءُ جمہوری نظام ءِ مھکمیں بن پد سر وزیر بلوچستان اِنت

کوئٹہ۔ 30 جون (اے پی پی): بلوچستان ءِ سر وزیر میر سرفراز بگٹی ءَ جھان ءِ پارلیمنٹ ءِ روچ ءِ درگت ءَ وتی ھاسیں کلوہ ءِ تہ ءَ گوشت کہ پارلیمنٹ الس ءِ واھشت آنی راستیں جارکش ءُ جمہوری نظام ءِ مھکمیں بن پد اِنت۔ یک مھکم، فعال ءُ بااختیاریں پارلیمنٹ راج ءِ نمائندگی، موثر قانون سازی، احتساب ءُ شفافیں حکومت داری ءِ ضمانت ءِ ضامن انت۔ بنجاھی وزیر ءَ گوشت کہ پارلیمنٹ ءِ جھان ءِ روچ مارا آئین ءِ بالادستی، کانود ءِ حاکمیت، جمہوری ارزشت آنی دیمروئی ءُ السی ھزمت ءِ واستہ وتی عزم ءِ نوک کنگ ءِ موہ دنت۔ آئی ءَ گوشت کہ جمہوری چاگرد آنی دیمروئی ءِ واستہ انچیں مھکمیں پارلیمانی ادارگ آنی سر ءَ بندوک اِنت کہ آ الس ءِ واھشت آنی رد ءَ کانود جوڑ کن اَنت ءُ راجی نپ ءَ را اولی رنگ ءَ دئینت۔ میر سرفراز بگٹی ءَ گوشت کہ بلوچستان حکومت مھکم، بااختیار ءُ کارآمدیں پارلیمانی دود ءُ ربیدگ آنی دیمروئی ءِ سر ءَ ایمان دار ایت ءُ صوبگ ءَ جمہوری ادارگ آناں مھکم کنگ، شفافیت، احتساب ءُ کانود ءِ حکمرانی ءِ دیمروئی ءِ واستہ عملی گامگیج کنگ ءَ برجاہ اِنت۔ آئی ءَ گوشت کہ بلوچستان اسمبلی الس ءِ جیڈھ آنی گیواری، موثر کانود جوڑ کنگ، راجی نپ آنی رکھینگ ءُ شفافیں حکومت داری ءِ دیمروئی ءِ تہ ءَ کلیدی کرد پیلو کنگ ءَ اِنت، وھدیکہ گچین بوتگیں السی نمائندہ آنی ذمہ واری اِنت کہ آ الس ءِ بھروسہ ءِ سر ءَ زندگ بہ بنت، آئین ءُ کانود ءِ برجائی ءَ بہ کن اَنت ءُ ھر وھد ءَ راجی نپ آناں اولیت بہ دنت۔ بلوچستان ءِ سر وزیر ءَ گوشت کہ جمہوری ادارگ آنی استحکام، آئینی بالادستی، کانود ءِ حکمرانی ءُ الس ءِ بھروسہ پاکستان ءِ رژن، مھکم ءُ وشھالیں باندات ءِ ضمانت انت۔ آئی ءَ اے جزم ءِ یک رندے پدا گوشت کہ بلوچستان حکومت جمہوری قدر، مھکمیں پارلیمانی نظام ءُ السی ھزمت ءِ دیمروئی ءِ واستہ وتی کوشستاں برجاہ دار ایت۔