امریکی نبشتہ کار ءُ گلوبل پالیسی ءِ ماہرلوری واٹکنز ءِ گشگ انت کہ ہندوستان ءِ نیمگ ءَ آپ ءِ ڈیٹا ءِ یلہ کنگ ءُ پاکستان ءِ نمدیانی پسو نہ دیگ میان استمانی کانود ءِ خلاف ورزی انت

اسلام آباد۔30جون  (اے پی پی): امریکی نبشتہ کار ءُ گلوبل پالیسی ءِ ماہرلوری واٹکنز ءَ گشتگ کہ بھارت ءِ نیمگ ءَ دریا ءِ روانی ءِ ڈیٹا ءِ یلہ کنگ ءُ پاکستان ءِ نبشتھی نمدی ءِ پسو نہ دیگ میاں اوستمانی کانود ءِ اصولانی خلاف ورزی انت ءُ ہچ ریاست وتی میان استمانی قانونی ذمہ واریاں یک منوگری ءَ را معطل کنگ ءِ جار جنگ ءَ چہ رد نہ کنت۔ وین کنونشن ءِ رد ءَ منوگری ءِ قانون ءِ رد ءَ منوگری نیک نیتی ءَ گوں عمل کنگ بہ بنت۔ سئے شمبے ءِ روچ ءَ اسلام آباد ءِ جناح کنونشن سینٹر ءَ انسٹی ٹیوٹ آف ریجنل اسٹڈیز (آئی آر ایس) ءِ نیمگ ءَ برجم داشتگیں ’’سندھ ءِ آپانی منوگری‘‘ ءِ سرھال ءِ سر ءَ میاں اوستمانی سیمینار ءَ گوں تران کنان ءَ آئی ءَ گوشت کہ آئی ءِ واستہ یک وشیں گپے کہ آ اے ھاسیں سرھال ءِ سر ءَ وتی ھیال آنی درشان ءَ کنت ءُ آئی ءَ را اے ھاسیں سرھال ءِ سر ءَ گپ ءُ تران بندات کنگ لوٹ ایت۔ زانگ. ما سرپد ایں کہ سندھ ءِ آپانی منوگری میاں اوستمانی سفارتکاری ءِ راستیں سوبمندی آنی تہ ءَ یکے ۔ آئی ءَ گوشت کہ اے منوگری یک سکیں گرانیں مول ءُ مراد ءِ واستہ جوڑ کنگ بوتگ ءُ 60سال ءَ چہ گیش اِنت کہ جوانیں رنگ ءَ کار کنگ ءَ اِنت۔ آئی ءَ گوشت کہ سرجمیں دگنیا ءَ دریا ءِ ھوالگ ءَ منوگری جیڈھ آنی گر ءُ دار ءِ واستہ جوڑ کنگ بنت وھدیکہ دائمی سندھ کمیشن میاں اوستمانی تک ءِ رد ءَ یک استثنائی ءُ ارزشتی ایں ادارگ اِنت۔ آئی ءَ گوشت کہ منوگری ءِ چیر دستی ءَ یکجائی معائنہ ءُ جیڈھ آنی گیواری ءِ مرحلہ وار نظام جوڑ کنگ بوتگ۔ لیری واٹکنز ءَ گشتگ کہ پاکستان ءَ دریائے چناب ءِ روانی ءِ بابت ءَ ہندوستان ءَ باقاعدہ نمدی دیم داتگ انت بلے ہندوستان ءَ دریا آنی بے رھبندیں روانی ءِ بابت ءَ ھال ءُ اھوال ءُ اعداد ءُ شمار نہ داتگ ءُ پاکستان ءِ نبشتھی نمدیانی پسو ھم نہ داتگ۔ آئی ءَ گوشت کہ اے ایوک ءَ انتظامی یا تکنیکی شکایت نہ بوتگ۔ آئی ءَ گوشت کہ دگنیا ءِ دریائی نظام آنی سر ءَ چار ءُ تپاسی ءَ چہ اے گپ پدر بیت کہ اے وڑیں جاور ھال ھترناک ثابت بوت کنت۔ وھدے کہ آپ ءِ زانتکاری ءِ تبادلہ بند بیت گڑا بے اعتمادی، ردیں حساب ءُ کتاب ءُ گڈسرا کشاں چیل پیداک بیت۔ آئی ءَ گوشت کہ کجام ھم میاں اوستمانی آپ ءِ منوگری ءِ اصل طاقت رابطہ ءِ تسلسل ءَ انت۔ آئی ءَ گوشت کہ اگاں بھارت ءَ سندھ ءِ آپانی منوگری ءَ را مھتل جار جتگ بلے دریا ءِ روانی ءِ بابت ءَ آئی ءِ زانتکاری ءِ یلہ کنگ ءُ پاکستان ءِ نبشتھی نمدی آنی پسو نہ دیگ دود ءُ ربیدگ ءِ میاں اوستمانی کانود ءِ اصول آنی ھلاپ ورزی اِنت۔ آئی ءَ گوشت کہ ھچ ریاست یک منوگری ءِ مھتل کنگ ءِ جار ءَ چہ وتی میاں اوستمانی کانودی ذمہ واری آنی تہ ءَ دست کش نہ بیت۔ آئی ءَ گوشت کہ منوگری آنی کانود ءِ بابت ءَ ویانا کنونشن ءِ رد ءَ منوگری آناں نیک نیتی ءِ گوما عمل کنگ بہ بیت۔