حکومت ءَ راستی ءِ جنگ ءُ سفارتکاری ءِ جنگ ءَ سوبمندی رستگ، نوں پاکستان ءَ معیشت ءِ جنگ ءَ سوبمند بوھگی اِنت، ماہانہ دیمروئی رپورٹ ءِ بندات ءِ وھد ءَ وفاقی وزیر احسن اقبال ءِ گشتانک

اسلام آباد۔30جون  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر ءُ منصوبگ بندی کمیشن ءِ ڈپٹی چیئرمین احسن اقبال ءَ گوشت کہ حکومت ءَ راستی ءِ جنگ ءُ سفارتکاری ءِ جنگ ءَ سوبمندی رستگ، نوں پاکستان ءَ معیشت ءِ جنگ ءَ سوبمند بوھگی اِنت، ملک ءِ برآمدات ءَ را درآمد کنگ ءَ چہ ایٹمی پروگرام ءِ دیم ءَ آرگ بیت معیشت ءَ را پائیداریں بنیات ءِ سر ءَ جوڑ کنگ ءَ انت، فیڈریشن ءُ صوبہ یکجائی ءَ چاگردی شوبگ ءَ را راجی ایمرجنسی ءِ رنگ ءَ دیم ءَ برگ ءَ انت۔ آئی ءَ سئے شمبے ءِ روچ ءَ وزارت ءِ منصوبگ بندی ، دیمروئی ءُ ھاسیں گامگیج آنی ماہانہ دیمروئی رپوٹ ءِ بندات کنگ ءِ موہ ءَ رسانکدر ءِ نمائندگ آں گوں تران کنان ءَ گشتانک دات۔ احسن اقبال ءَ گوشت کہ مالی سال 2025-26 ءِ ساھت ءَ سیلاب، جھان ءِ تجارتی جیڈھ ءُ میاں اوستمانی تک ءَ کش ءُ چیل ءِ جاور ھال ءِ وڑیں درائیں چیلنج آنی باوجود پاکستان ءِ معیشت برجائی ءِ کشک ءَ برجاہ اِنت۔ آئی ءَ گوشت کہ مالی سال ءِ اولی 9ماھ آنی تہ ءَ معیشت ءِ تہ ءَ وتی ٹھینگ بوتگیں رفتار ءِ سر ءَ دیمروئی برجاہ بوتگ، البت جھان ءِ جاور ھال، تیل ءِ بہا ءِ تہ ءَ گیشی ءُ سپلائی چین ءِ تہ ءَ ھرابکاری آنی سبب ءَ دیمروئی ءِ شرح 3.7درسد ءِ تہ ءَ برجاہ بوتگ، اے گوستگیں چار سال آنی تہ ءَ انگت ءَ گیشتریں اقتصادی دیمروئی ءِ شرح اِنت۔ وفاقی وزیر ءَ گوشت کہ کشت ءُ کشاری، صنعتی ءُ ازمت ءِ شوبگ آنی تہ ءَ گہتریں کارکردگی ءَ چہ اقتصادی برجائی ءِ واستہ مھکمیں بنیات پجاری بوت۔ کشت ءُ کشاری شوبگ ءَ 2.9درسد، سروسز سیکٹر ءَ 4.1درسد، صنعتی شوبگ ءَ 3.5درسد ءِ گیشی بوتگ۔ مزنیں کچ ءُ کساس ءَ مینوفیکچرنگ ءَ دو سال ءَ پد مزنیں وشھالی یے گندگ بوتگ ءُ اے شوبگ ءَ 6.4درسد ءِ دیمروئی ریکارڈ کنگ بوتگ وھدیکہ 22 صنعتی شوبگ آنی تہ ءَ 16 ءَ جوانیں کارکردگی ءِ درشانی کتگ۔ آٹوموبیل، بجلی ءِ سامان، وردن، مشروبات، تمباکو، معدنی چیز ءُ پوشاک ءِ شوبگ آنی تہ ءَ مزنیں گیشی ءِ ریکارڈ کنگ بوتگ۔ آئی ءَ گوشت کہ میاں اوستمانی تک ءِ جاور ھال، خام تیل ءِ جھان ءِ نھاد آنی تہ ءَ گیشی ءُ مال برداری ءِ زرّ آنی تہ ءَ گیشی ءَ چہ مہنگائی ءِ سر ءَ دباؤ اتکگ، البت حکومت ءَ نیشنل پرائس مانیٹرنگ کمیٹی ءِ ھپتگی دیوان ءُ وفاقی ءُ صوبائی حکومت آنی یکجائی حکمت عملی ءِ وسیلگ ءَ نرخ آناں مھکم دارگ ءِ واستہ ھرچ وڑیں کوشست کتگ۔ مزن وزیر شہباز شریف ءَ مہنگائی ءِ کنٹرول کنگ ءِ حاصیں ٹاسک داتگ ءُ گلوبل مارکیٹ ءَ تیل ءِ نہادانی تہ ءَ کمی ءِ سیت الس ءَ را سر کنگ بوھگ ءَ انت۔ آئی ءَ گوشت کہ روچ ءِ ضلورت آنی نہاد آنی تہ ءَ گیش کمی ءِ واستہ صوبگ آنی گوما کمک ءَ گام گیج کنگ بیت۔ احسن اقبال ءَ گوشت کہ درائیں شوبگ برجائی ءَ برجاہ اِنت ءُ اوورسیز پاکستانی آنی دل یکیمی ءِ سبب ءَ جولائی ءَ چہ مئی ءَ تاں زرّ دیم دیگ 9.2درسد گیش بوتگ ءُ 38.1 ارب ڈالر ءَ سر بوتگ، وھدیکہ مئی ءَ 4.3ارب ڈالر ءِ ریکارڈ حوالہ جات رستگ۔ سروسز ءِ برآمدات ءَ 17.4درسد ءِ گیشی بوتگ وھدیکہ آئی ٹی ءِ برآمدات ءُ حوالہ جات ءَ کرنٹ اکاؤنٹ ءِ ھاتر ءَ مھکمیں بنیات داتگ۔ آئی ءَ گوشت کہ ایف بی آر ءِ آمدنی 11.2کرب کلدار بوتگ کہ گوستگیں سال ءِ مقابلہ ءَ 9.7درسد گیش انت۔ آئی ءَ گوشت کہ عید الاضحی 2026 ءِ ساھت ءَ نزیک ءَ 1.7 کھرب کلدار ءِ اقتصادی کاروائی ریکارڈ کنگ بوتگ اَنت وھدیکہ قربانی ءِ جانور آنی تجارت ءَ ھم 3.5درسد گیشی بوتگ ایشی ءِ تہ ءَ لائیو سٹاک مارکیٹ، ٹرانسپورٹ، خوردہ، قصائی ءُ چمڑے ءِ صنعت ءَ معیشت ءِ تہ ءَ مزنیں کرد پیلو کتگ۔ وفاقی وزیر ءَ گوشت کہ راجی اقتصادی کونسل ءَ مالی سال 2026-27ءِ واستہ 4درسد اقتصادی دیمروئی ءِ ٹارگٹ ءُ 3.675کرب کلدار ءِ راجی دیمروئی پروگرام ءِ منظوری داتگ وھدیکہ وفاقی پی ایس ڈی پی ءِ واستہ یککرب کلدار ایر کنگ بوتگ۔ انفراسٹرکچر، چاگردی شوبگ، سائنس ءُ ٹیکنالوجی، آزات جموں ءُ کشمیر، گلگت بلتستان ءُ ایندگر ھاسیں شوبگ آناں اولیت دیگ بوتگ۔ آئی ءَ گوشت کہ دیمروئی منصوبگ آنی سر ءَ کار کنگ ءِ رفتار ءَ سک باز گہتری اتکگ ءُ منظور بوتگیں منصوبگ آنی تہ ءَ نزیک ءَ 10 ہزار مستقیم ءُ 45ہزار ءَ چہ گیش غیر مستقیم روزگار ءِ موہ پیداک بنت۔ موثر منصوبہ بندی ءِ سبب ءَ راجی خزانہ ءَ ہم 100کروڑ کلدار ءِ بچت کتگ۔ 12.1 ارب ءِ سرا بوتگ۔ احسن اقبال ءَ گوشت کہ تیزی ءَ گوں گیشی بوھوکیں آبادی پاکستان ءِ واستہ دیمروئی ءِ مستریں چیلنج اِنت، پمیشکا ثبوت آنی بنیات ءَ منصوبگ بندی ءِ وسیلگ ءَ آیوکیں وھد ءِ ضلورت آنی رد ءَ پالیسی جوڑ کنگ بوھگ ءَ اِنت۔ آئی ءَ گوشت کہ ’’اُدان پاکستان‘‘ ءِ چیر دستی ءَ زالبول آناں راجی دیمروئی ءِ مین اسٹریم ءَ آرگ حکومت ءِ اولی ترجی اِنت پرچا کہ زالبول آنی وانگ ءُ زانگ، روزگار، کاروبار ءُ مالی شمولیت ءِ ھست نہ بوھگ ءَ پائیدار دیمروئی ممکن نہ اِنت۔ آئی ءَ بلوچستان ءَ را دمگی تجارت، سرمایہ کاری، معدنیات، قابل تجدید توان، کشت ءُ کشاری، ماہی گیری ءُ رسد ءِ یک نوکیں مرکز ءِ رنگ ءَ گشتگ ءُ گشتگ کہ سی پیک ءِ دومی بھر ءَ بلوچستان پاکستان ءِ اقتصادی دیمروئی ءِ تہا کلیدی کرد پیلو کنت۔ وفاقی وزیر ءَ گوشت کہ نوکیں مالی سال ءَ کراچی حیدرآباد ایم 9، سکور حیدرآباد کراچی ایم 6 موٹروے، چمن کوئٹہ کراچی شاہکشک ءِ تہ ءَ گیشی ءُ سی پیک ءِ ایم ایل ون منصوبگ ءِ تہ ءَ دیمروئی کنگ بیت۔ آئی ءَ گوشت کہ ڈائمر بھاشا ڈیم ءَ چہ آماچیں قراقرم شاہکشک ءِ بدل ءَ قراقرم شاہکشک دو منصوبگ بندات کنگ بوھگ ءَ انت تانکہ پاکستان ءُ چین ءِ نیام ءَ تجارتی رابطہ بے رکاوٹ برجاہ بہ بیت۔ نوکیں ٹیکنالوجی ءِ دیمروئی ءِ واستہ اسلام آباد ءَ کوانٹم ویلی ھم جوڑ کنگ بیت۔ ہائیر ایجوکیشن ءِ ھوالگ ءَ احسن اقبال ءَ گوشت کہ ہائیر ایجوکیشن کمیشن ءَ را ہدایت کنگ بوتگ کہ آ سرجمیں ملک ءَ یونیورسٹی آنی سر ءَ سرجمیں چار ءُ تپاسی ءَ بہ کنت، ڈگری پروگرام آناں دیم ءَ بیار ایت کہ آ آیوکیں لوٹ آنی گوما ھمگرنچ بہ بنت ءُ ھپت نکاتی کارکردگی ءِ آڈٹ بہ کنت۔ اے آڈٹ ءِ رپورٹ آیوکیں لھتیں ھپتگ آنی تہ ءَ پیش کنگ بیت، ایشی ءِ رژنائی ءَ ہائیر ایجوکیشن ءِ شوبگ ءَ جامع اصلاحات ءِ دیم ءَ آرگ بیت۔