پاکستان ءُ ہندوستان ءِ نیام ءَ سندھ ءِ آپ ءِ منوگری ءِ بحالی ءَ ابید پائیدار امن ممکن نہ انت، بلاول بھٹو زرداری

اسلام آباد۔30جون  (اے پی پی): پاکستان پیپلز پارٹی ءِ چیئرمین بلاول بھٹو زرداری ءَ گشتگ کہ دریائی لین یا آپی وسیلہ آں سلاہ ءِ رنگ ءَ کارمرز کنگ جھان ءِ امن ءِ ھاتر ءَ بیمناکیں رواج انت۔ پاکستان ءُ ہندوستان ءِ نیام ءَ پائیدار امن سندھ ءِ آپ ءِ منوگری ءِ بحالی ءَ ابید ممکن نہ انت۔ پاکستان ءِ آپی حقاں تاوان دیگ ءِ ہرچ کوشست ءِ سرا راجی تک ءَ پسو دیگ بیت۔ آئی ءَ اے ھیالانی درشانی سئے شمبے ءِ روچ ءَ سندھ ءِ آپ ءِ منوگری ءِ ھوالگ ءَ میاں اوستمانی سیمینار ءَ گوں تران کنان ءَ کت۔ چیئرمین پاکستان پیپلز پارٹی ءَ گشتگ کہ آپ ایوک ءَ جغرافیہ ءِ جست نہ انت بلکینگ ءَ وردن ءُ وراک ءُ باندات ءُ زندمان ءِ ہم جست انت۔ دنیا ءَ اے گپ سرپد بوتگ کہ آپی وسیلگ جھان ءِ سیاست ءُ ایمنی ءِ یک مرکزی جیڑھے جوڑ بوتگ انت۔ بلاول بھٹو زرداری ءَ گوشت کہ انچوش کہ آبنائے ہرمز ءِ بند کنگ ءَ چہ جھان ءِ معیشت ءِ سر ءَ تاوان رسیت ھمے رنگ ءَ دریائے سندھ ءِ آپ پاکستان ءِ زندمان ءِ ضمانت اِنت۔ سمندری لین یا آپی وسیلگاں سلاہ ءِ رنگ ءَ کارمرز کنگ پہ جھان ءِ امن ءَ یک خطرناکیں رجحانے ۔ پاکستان ءُ ہندوستان ءِ نیام ءَ پائیدار امن سندھ ءِ آپ ءِ منوگری ءِ بحالی ءَ ابید ممکن نہ انت۔ آئی ءَ گوشت کہ پاکستان ءَ جنگ بندی ءِ شرت آنی پد ءُ رند کتگ وھدیکہ بھارت ءَ وتی وعدہ آنی سرجمی ءَ پیلو نہ کتگ ۔ سندھ ءِ آپ ءِ منوگری ءِ رد ءَ پاکستان ءِ آپ ءِ بھمکءِ رکھینگ ءَ دل یکیمی کنگ بہ بیت۔ سندھ ایوک ءَ دریا نہ اِنت بلکیں لکاں شہری آنی زند، کشت ءُ کشاری ءُ معیشت ءِ وسیلہ اِنت۔ بلاول بھٹو زرداری ءَ گوشت کہ سندھ، جہلم ءُ چناب ءِ آپ ءِ سر ءَ پاکستان ءِ ھک ءَ را میاں اوستمانی منوگری ءِ چیر دستی ءَ منگ بیت ۔ آپ ءِ جیڈھ ءَ را ایوک ءَ تکنیکی جیڑھ ءِ رنگ ءَ چارگ مہ بیت بلکیں راجی سلامتی ءِ جیڈھ ءِ رنگ ءَ چارگ بہ بیت۔ پاکستان ءِ آپی حقاں تاوان دیگ ءِ کجام ہم کوشست رد کنگ بیت۔ ایشی ءِ پسو راجی پڑ ءَ دیگ بیت۔ پاکستان ایمنی ءِ واھشت داریت بلے وتی الس ءِ بنیاتی ھک ءُ آپی نپانی سر ءَ ھچ وڑیں سمجھوتہ نہ کنت۔ لکاں مردم آنی آپ ءِ ھک ءِ رکھینگ ءَ سرجمیں پاکستانی راج یکجا اِنت۔ سیاسی زور یا آپ ءِ سلاہ ءِ بستار ءَ کارمرز کنگ میان استمانی کانود ءُ منوگریانی ھلاپ اِنت۔