پاکستان ءَ سندھ ءِ آپانی منوگری ءِ رکھینگ ءِ ھاتر ءَ میاں اوستمانی کانود ءُ میان استمانی سفارتکاری ءِ درستیں قانونی وسیلگاں سرجمی ءَ کارمرز کنگی اِنت، حنا ربانی کھر

اسلام آباد۔30جون  (اے پی پی): پیسریگیں وزیر ءِ درئی کار ءُ راجی اسمبلی ءِ دری کارانی قائمہ کمیٹی ءِ چیئرپرسن حنا ربانی کھر ءَ اے گپ ءِ سر ءَ زور پر دات کہ پاکستان ءَ سندھ ءِ آپانی منوگری ءِ رکھینگ ءِ واستہ میاں اوستمانی کانود ءُ میاں اوستمانی سفارتکاری ءِ درستیں کانود وسیلگ آناں سرجمی ءَ کارمرد کنگی اِنت۔ آئی ءَ ھشدار دات کہ بھارت ءِ اے راجدپتری منوگری ءَ را یک نیمگی ”معطل“ کنگ ءِ کوشست میاں اوستمانی رھبندانی سر ءَ بنیات ءِ سر ءَ بنیات ءِ نظام ءِ دیم ءَ یک سنگینیں چیلنج اِنت۔ آئی ءَ اے ھیالانی درشانی سندھ ءِ آپانی منوگری ءِ ھوالگ ءَ میاں اوستمانی کانفرنس ءَ گوں تران کنان ءَ کت۔ پیسریگیں وزیر ءِ درئی کار حنا ربانی کھر ءَ گوشت کہ بھارت ءِ کارروائی چہ میاں اوستمانی کانود ءُ منوگری آنی احترام ءِ تہ ءَ مزنیں کساسے ءَ کمی ءِ درشان اِنت۔ آئی ءَ اے جُست چست کت کہ یک ملکے کہ جھان ءِ پڑ ءَ مزنیں کردے پیلو کنگ لوٹ ایت آ یکیں وھد ءَ قانونی رنگ ءَ پابندیں میاں اوستمانی منوگری آناں چوں ھراب کنت۔ آئی ءَ 1960 ءِ سندھ ءِ آپانی منوگری ءِ آرٹیکل 12 ءِ حوالہ داتگ ءُ اے گپ ءِ پدر کنگ ءَ گشتگ کہ اے منوگری ءِ تہا ہچ وڑیں ترمیم یا ہلاس کنگ ایوک ءَ پاکستان ءُ ہندوستان ءِ نیام ءَ واجبی منظور کتگیں منوگری ءِ وسیلگ ءَ ممکن انت، پمیشکا ایشی ءِ یک نیمگی ءِ رد ءَ معطل کنگ یا بے اثر لیکگ ءِ ہچ وڑیں قانونی گنجائش نیست۔ حنا ربانی کھر ءَ گشتگ کہ اے منوگری سک زاھر انت ۔ ایشی ءَ را ایوک ءَ سیاسی بیان یا یک نیمگی پیسلہ ءِ وسیلگ ءَ معطل کنگ نہ بیت۔ ایشی ءِ تہا ہرچ وڑیں ترمیم یا ھلاس کنگ ءِ ھاتر ءَ دوئیں حکومتانی باقاعدہ ءُ توثیق شدہ رضامندی ءِ ھاتر ءَ ممکن اِنت۔ آئی ءَ انوگیں جاور ھال آنی تہ ءَ اے منوگری ءِ سر ءَ دوبر گپ ءُ تران کنگ ءِ لوٹ آنی ھلاپ ءَ ھم ھشدار داتگ ءُ گْوشتگ کہ ھچ ملک ھستیں کانودی منوگری ءَ یلہ نہ دنت داں کہ دوئیں نیمگ یک متبادل منوگری ءِ سر ءَ تپاک مہ کن اَنت۔ آئی ءَ گوشت کہ بھارت ءِ پوزیشن یک ٹکّر ٹکّریں میاں اوستمانی نظام ءِ وسیلگ ءَ مھکم کنگ بوھگ ءَ اِنت کہ ایشی ءِ تہ ءَ میاں اوستمانی ادارگ ءُ میاں اوستمانی کانود ءِ روایتی نگہبان تپاک کتگیں اصول آنی سر ءَ جوانیں رنگ ءَ عمل کنگ ءِ واستہ کوشست کنگ ءَ اَنت۔ آئی ءَ گوشت کہ اصل جُست ایوک ءَ اے نہ اِنت کہ بھارت چے کنگ ءَ اِنت بلکیں اے ھم اِنت کہ آ پرچا اے گپ ءَ منّ اِیت کہ آ دگنیا ءِ سوبمندیں میاں اوستمانی آپ ءِ منوگری آنی تہ ءَ یکے ءِ ھلاپ ورزی ءَ چہ رکّ اِت کنت۔ حنا ربانی کھر ءَ منوگری آنی احترام ءَ را یک جھان ءِ مفاد لیک اتگ ءُ ھشدار داتگ کہ اگاں سندھ ءِ آپانی منوگری ءِ دفاع نہ کنگ بہ بیت گڑا ایشی ءَ چہ نہ ایوک ءَ جنوبی ایشیا ءِ واستہ بلکیں سرجمیں دنیا ءِ واستہ یک خطرناکیں مثالے جوڑ بیت۔ آئی ءَ گوشت کہ مرچی اے پاکستان ءِ آپ ءِ گپ انت، باندا اے دگہ ملک ءِ مشترکہ وسیلگ بوت کنت۔ اگاں ریاستاں یک نیمگی ءِ رد ءَ منوگری ءِ سرا چم شانک دیگ ءِ اجازت دیگ بہ بیت گڑا میان استمانی منوگری وتی اهمیت ءَ چہ زبھر بنت۔ دری کارانی وزیر ءِ بستار ءَ وتی مدت ءِ یات ءَ آئی ءَ گوشت کہ آئی ءَ بھارت ءِ گوما سیادی ءَ را نارمل کنگ ءُ بیپار ءِ دیمروئی ءِ واستہ ھما وھد ءَ کار کتگ کہ نئی دہلی گپ ءُ تران ءُ میاں اوستمانی رہبندانی احترام ءِ واستہ نسبتاً گیش پچ بوتگ بلے آئی ءَ گوشت کہ انوگیں بھارت اے رھبند ءَ چہ رھادگ بوتگ ءُ نوں میاں اوستمانی کانود ءِ فریم ورک ءَ چہ دریں گامگیج زورگ ءَ اِنت۔ آئی ءَ سندھ ءِ آپانی منوگری ءِ مھکمی ءِ ذکر کتگ ءُ گشتگ کہ اے منوگری پاکستان ءُ ہندوستان ءِ نیام ءَ 1971 ءِ جنگ ءَ ھوار سئے جنگ ءِ باوجود سلامت بوتگ پمیشکا مرچی ایشی ءِ دیم ءَ چیلنج گیشتر پریشان کنوک انت۔ آئی ءَ گوشت کہ اے منوگری سرجمیں جنگ آنی وھد ءَ ھم سلامت بوتگ پرچا کہ دوئیں ملک آناں ایشی ءِ قانونی ءِ احترام کتگ۔ اے مزنیں جیڑگ ءِ گپ اِنت کہ مرچی ایشی ءَ را جنگ ءِ وسیلہ ءَ نہ بلکیں یک نیمگی سیاسی پیسلہانی وسیلہ ءَ چیلنج کنگ بوھگ ءَ اِنت۔ حنا ربانی کھر ءَ اے جیڈھ ءَ را موسمیاتی بدلی ءِ گیش بوھوکیں اثرات ءَ گوں ھم ھمگرنچ کتگ ءُ گوشتگ کہ سندھ دریا ءِ کش ءُ گور ءِ دمگ تیزی ءَ گوں پگھل بوھوکیں گلیشیر ءُ آپ ءِ کمی ءِ گیش بوھگ ءِ سبب ءَ دگنیا ءِ گیشتریں آماچیں دمگ آنی تہ ءَ ھوار اِنت۔ آئی ءَ اے گپ ءِ سر ءَ زور پر دات کہ موسمی بدلی ءِ انوگیں جاور ھال ءِ تہ ءَ مشترکہ آپی وسیلگ آنی سر ءَ جیڈھ ءِ بدل ءَ دمگی کمک ءِ دیمروئی ءِ لوٹ اِنت۔ آئی ءَ میاں اوستمانی براتی ھاسیں رنگ ءَ یورپی ملک آنی سر ءَ زور پر دات کہ آ مدام میاں اوستمانی کانود ءِ منوگر بوتگ اَنت کہ آ منوگری آنی برجائی ءُ رھبند آنی سر ءَ بنیات ءِ سر ءَ جھان ءِ نظام ءِ رکھینگ ءِ تہ ءَ گیش سرگرمیں کرد پیلو بہ کن اَنت۔ حنا ربانی کھر ءَ وتی گشتانک ءِ گڈ ءَ گوشت کہ سندھ ءِ آپانی منوگری ءِ رکھینگ نہ ایوک ءَ پاکستان ءِ آپی ایمنی ءِ واستہ المی اِنت بلکیں میاں اوستمانی کانود ءِ ساکھ ءِ برجائی ءُ میاں اوستمانی منوگری آنی ارزشت ءِ رکھینگ ءِ واستہ ھم المی اِنت۔