رینجرز ءِ کارندہانی سرا ناشرکاری اُرش انتہائی افسوسناکیں ءُ مذمت ءِ لائک انت، شہیدانی بالادستیں قربانی مدام یات کنگ بنت، ڈاکٹر طارق فضل چوہدری

اسلام آباد۔28جون  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ کراچی ءَ رینجرز ءِ کارندہ آنی سر ءَ ناشرکاری اُرش سک باز اپسوزی ءُ مذمت ءِ لائک اِنت۔ یک شمبے ءِ روچ ءَ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ ھما شہید کہ مھروانیں وطن ءِ رکھینگ ءِ واستہ وتی جان ندر کتگ اَنت آ سرجمیں راج ءِ شان اَنت، ایشانی بالادستیں قربانی مدام یات کنگ بنت۔ آئی ءَ اے گپ پدر کت کہ ناشرکاری ھچ وڑ ءَ منّگ نہ بیت ءُ پاکستان ءِ بہادریں سیکورٹی ادارگ ھرچ سازش ءِ لائکیں پسو ءَ دیگ ءَ برجاہ دار اَنت۔ آئی ءَ شہید آنی گس آنی گوما ھم دل ءِ ھمدردی ءِ درشانی کتگ ءُ ٹپیگ آنی زوت ءُ سرجمی ءَ جان سلامتی ءِ دعا ھم کتگ۔ پارلیمانی کارانی وفاقی وزیر ڈاکٹر طارق فضل چوہدری ءَ دعا کت کہ اللہ تعالیٰ پاکستان ءَ امن ءُ ایمنی بہ دنت ءُ مئے سیکورٹی ادارگ وتی چیر دستی ءَ بہ بنت ۔