صدر آصف علی زرداری ءَ کراچی ءِ نزیک ءَ پاکستان رینجرز (سندھ) ءِ کیمپ ءِ سر ءَ ناشرکاری اُرش ءِ مذمت

اسلام آباد۔28جون  (اے پی پی): صدر ءِ مملکت آصف علی زرداری ءَ کراچی ءَ پاکستان رینجرز ءِ کیمپ ءِ سر ءَ بھارتی پراکسی جماعت الاحرار ءِ نیمگ ءَ چہ ناشرکاری اُرش ءِ تچکیں مذمت کتگ ۔ یک شمبے ءِ روچ ءَ صدر ءِ مملکت گس ءِ پریس ونگ ءِ رد ءَ صدر ءِ مملکت ءَ ارش ءَ بیران بوتگیں پاکستان رینجرز ءِ ورنائیں سپاھیگ آناں شگر ءُ منت پیش کت ءُ شہید آنی اڑ آنی برز کنگ ءِ واستہ دعا کت۔ راج ناشرکاری ءِ ھلاپ ءَ جنگ ءَ وتی بہادریں سپاھیگ آنی قربانی ءَ را ھچبر شموشکار نہ بیت۔ آئی ءَ گوشت کہ برلونی ءِ چیردستی ءَ ناشرکاریں عناصر آنی نا شریں عزائم کدی سوبمند نہ بنت۔ صدر ءِ مملکت ءَ گوشت کہ پاکستانی راج ناشرکاری ءِ ھلاپ ءَ وتی سیکورٹی فورسز ءُ کانود نافذ کنوکیں ادارگ آنی گوما اوشتاتگ۔ دل ءِ جہلانکی ءَ گوں ھاندان ءَ ھمدردی ءُ دلپدردی ءِ درشانی کتگ ءُ ٹپیگیں کارندہ آنی زوتیں جان سلامتی ءِ دعا کتگ۔