پاکستان ءِ دری پالیسی ءَ را میاں اوستمانی تک ءَ آسراتی رسگ ءَ اِنت، آیوکیں ماھانی تہ ءَ راجی مول ءُ مراد آنی سر ءَ سر بوھگ ءُ افراط زر ءِ گر ءُ دار ءَ کمک کنت، بیرسٹر دانیال چوہدری

اسلام آباد۔27جون  (اے پی پی): وفاقی پارلیمانی سیکرٹری برائے انفارمیشن اینڈ براڈکاسٹنگ بیرسٹر دانیال چوہدری ءَ گوشت کہ پاکستان ءِ دری پالیشی ءَ را میاں اوستمانی تک ءَ آسراتی رسگ ءَ انت، ملک جوانیں اقتصادی بدلی ءِ نیمگ ءَ روگ ءَ انت، آیوکیں ماھ آنی تہ ءَ راجی مول ءُ مراد آنی سر ءَ سر بوھگ ءُ مہنگائی ءِ سر ءَ کنٹرول کنگ ءَ کمک رسیت۔ شمبے ءِ روچ ءَ سرکاری نیوز چینل ءَ گوں تران کنان ءَ بیرسٹر دانیال چوہدری ءَ گوشت کہ مسلم لیگ ن ءِ سروکی ءَ حکومت ءَ معیشت ءَ را ھترہ ءِ کش ءَ رستگ بلے آئی ءَ ملک ءَ را بحران ءَ چہ سوبمندیں رنگ ءَ در کتگ ءُ استحکام، وشھالی ءُ میاں اوستمانی اعتماد ءِ نوک کنگ ءِ نیمگ ءَ برتگ۔ پاکستان نوں اقتصادی برجائی ءُ دیمروئی ءِ کشک ءَ انت ۔ آئی ءَ گیش گوشت کہ کلیدی میکرو اکنامک اشارہ آنی تہ ءَ گہتری بوھگ ءَ اِنت ءُ سرمایہ کار آنی اعتماد کم کم ءَ پدا بحال بوھگ ءَ اِنت۔ آئی ءَ گوشت کہ مزن وزیر محمد شہباز شریف ءُ فیلڈ مارشل سید عاصم منیر ءِ سروکی ءَ ملک ءِ دری پالیشی ءَ مزنیں سوبمندی رستگ، اے پاکستان ءِ میاں اوستمانی سیادی ءُ سفارتی ساکھ ءِ بحال کنگ ءِ واستہ راجدپتری سوبمندی اِنت۔ بیرسٹر دانیال چوہدری ءَ گوشت کہ پاکستان وتی پاد آنی سر ءَ اوشتاتگ ءُ نوں پائیدار برجائی ءُ دیمروئی ءِ نیمگ ءَ رھادگ بوھگ ءِ جاور ءَ اِنت، مہنگائی ءِ زور کم کم ءَ کم بوھگ ءَ اَنت ءُ اقتصادی جاور ھال برجاھیں گہتری ءِ درشان کنگ ءَ اَنت۔ آئی ءَ گوشت کہ نزیکیں وھد ءَ ایران ءِ گوما مزنیں تجارتی سیادی ءِ امیت انت ایشی ءَ چہ نوکیں روزگار ءِ موہ پیداک بنت ءُ معیشت ءِ بازیں شوبگ آنی تہ ءَ اقتصادی چست ءُ ایر آناں دیمروئی رسیت۔ آئی ءَ گوشت کہ استیں بجٹ ءَ را دراجیں مدتی ءُ ڈھانچہ ءِ وژن ءِ گوما جوڑ کنگ بوتگ ایشی ءِ تہ ءَ ٹیکسٹائل، ہاؤسنگ، ایکسپورٹ، مینوفیکچرنگ، انفراسٹرکچر، آئی ٹی ءُ حوالہ جات ءِ سر ءَ دلگوشی دیگ بوتگ۔ حکومت ءِ مستریں مول ءُ مراد ھاسیں ٹارگٹ آنی گوما آیوکیں ماھ آنی تہ ءَ برجمیں دیمروئی ءُ اقتصادی برجائی ءَ را دل یکیمی کنگ اِنت۔ آئی ءَ گوشت کہ ملک ءِ واستہ جوانیں روچ دیم ءَ انت۔ آئی ءَ اے گپ ءِ سر ءَ دل یکیمی کت کہ جاری اقتصادی اصلاحات، گہتریں استحکام، ءُ مھکمیں درملکی سیادی آیوکیں وھد ءَ جوانیں آسراتی ءِ دیم ءَ آرگ ءَ برجاہ بنت۔