اسٹیٹ لائف انشورنس کارپوریشن ءِ چیئرمین شعیب حسین ءَ گوں گورنر خیبر پختونخوا ءَ گند ءُ نند کتگ فیصل کریم کنڈی ءَ گوں گند ءُ نند

اسلام آباد۔27جون  (اے پی پی): اسٹیٹ لائف انشورنس کارپوریشن ءِ چیئرمین شعیب حسین ءَ گورنر خیبر پختونخوا فیصل کریم کنڈی ءَ گوں گند ءُ نند کت۔ شمبے ءِ روچ ءَ گورنر ءِ کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ اسٹیٹ لائف انشورنس کارپوریشن ءِ سرجمیں کارکردگی ھاسیں رنگ ءَ خیبر پختونخوا ءَ جان سلامتی ءِ شوبگ ءَ داتگیں آسراتی آنی سر ءَ سرجمیں رنگ ءَ گپ ءُ تران کنگ بوتگ۔ اے موہ ءِ سر ءَ اسٹیٹ لائف ءِ اولی اسلامی بیمہ ءِ شعبہ ، تکافل ءُ ہیلتھ زون ءِ کارکردگی ءُ لس مھلوک ءَ را داتگیں ھزمت آنی سر ءَ ھم چار ءُ تپاسی کنگ بوت۔ گند ءُ نند ءَ خیبر پختونخوا ءَ اسٹیٹ لائف ءِ جتا جتائیں محکمہ آنی وسیلگ ءَ الس ءَ را داتگیں آسراتی آنی دائرہ کار ءَ را گیش گیش کنگ ءُ سروسز ءَ را گیش موثر جوڑ کنگ ءِ ھوالگ ءَ ھم گپ ءُ تران کنگ بوت۔ گورنر خیبر پختونخوا فیصل کریم کنڈی ءَ راجی گہبود ءِ واستہ اسٹیٹ لائف ءِ ازمت آناں ساڑات ءُ امیت سہرا کت کہ اے ادارگ آیوکیں وھد ءَ گیش جوانیں رنگ ءَ وتی کرد ءَ پیلو کنت تانکہ صوبگ ءِ اُلس ءَ را جوانیں ءُ کوالٹی ءِ آسراتی پجاری بہ بیت۔