چیئرمین مزن وزیر ورنا پروگرام رانا مشہود احمد خان ءَ فیڈرل ریجن باکسنگ لیگ  ءِ بنگیج کت

اسلام آباد۔21اکتوبر  (اے پی پی): علامہ اقبال آڈیٹوریم فیصل  مسجد کیمپس انٹرنیشنل اسلامی یونیورسٹی اسلام آباد ءَ ٹیلنٹ ہنٹ یوتھ اسپورٹس لیگ ءِ چیر دستی ءَ مرد ءُ زالبول آنی واستہ فیڈرل ریجن باکسنگ لیگ ءِ چیئرمین مزن وزیر یوتھ پروگرام رانا مشہود احمد خان ءَ بنگیج کت۔ اے مراگش ءَ چہ سرجمیں دمگ ءَ چہ ھاسیں کارندہ، اسپورٹس ءِ سفیر ءُ نوکیں کھڈکاراں بھر زرتگ۔ آئی آئی یو آئی ءِ نائب صدر پروفیسر ڈاکٹر عبدالرحمان ءَ مہمان آناں وش آتک کت ءُ گیمز ءِ تہ ءَ ورنا آنی بھر زوری ءَ را ساڑات کت۔ چیئرمین مزن وزیر ورنا پروگرام رانا مشہود احمد خان ءَ گوشت کہ حکومت ورنا آناں توانمند کنگ ءِ واستہ جزمیگ انت۔ آئی ءَ ورنا آنی دیمروئی ءِ واستہ اسپورٹس المی لیک اتگ، مزن وزیر ورنا آنی پروگرام ٹیلنٹ ہنٹ ءُ باکسنگ ٹرائلز ھما پروگرام انت کہ ورنا آناں ضلورت انت۔ آئی ءَ گوشت کہ مئے ملک ءَ اسپورٹس ءِ آیوکیں باندات روشن اِنت، مزن وزیر ایشی ءَ را ورنا آنی واستہ اولی ترجی جوڑ کنگ ءِ واستہ گامگیج کنگ ءَ اِنت، مزن وزیر شہباز شریف ءِ ہدایت ءِ رد ءَ لھتیں ماہ پیسر ڈیٹال یوتھ ہب ءِ بنگیج کنگ بوتگ۔ آئی ءَ گوشت کہ مزن وزیر ورنا پروگرام ڈیٹال یوتھ ہب ءَ چہ ورنا آناں اے آئی ءِ بنیات ءَ وسیلگ آناں ذاتی رسائی پجاری بیت، ڈیٹال یوتھ ہب پاکستان ءِ ورنا آنی واستہ یک ھاسیں موہ اِنت، ڈیٹال یوتھ ہب ورنا آنی واستہ ورنا آں گوں سیادی داروکیں ہر ضلورت ءَ را رسائی ءِ موہ جوڑ کنت۔ آئی ءَ گوشت کہ من زالبول آناں دعوت دیان آں کہ آ ڈیٹال یوتھ ہب ءَ چہ پائدگ چست بہ کن اَنت، ورنا پاکستان ءِ آیوکیں باندات اَنت، شما راھشون اِت، شمئے درستاں ملک ءِ نگہبانی کنگی اِنت، شما ورنا ملک ءِ آرکیٹیکٹ اَنت۔