بنجائی وزیر واپار جام کمال خان تون یورپی یونین نا سفیر نا اوڑدہی

اسلام آباد۔ 21 اکتوبر (اے پی پی) بنجائی وزیر واپار جام کمال خان تون یورپی یونین نا سفیر ریمونڈس کاروبلس اوڑدہی کرے۔ سے شنبے نادے آ مروک آ اوڑدہی ٹی جی ایس پی پلس فریم ورک نا رداٹ کمکاری و آخبت نا واپار آ گپ وتران کننگا۔ اوڑدہی ٹی پاکستان و یورپی یونین نا ہڑتوم آ کنڈآتا واپار و زرکاری ءِ مون آ دننگ آ امناہم مس۔ جام کمال خان یورپی یونین نا کمکاری و مثبت شریداری نا ستاءِ کرے۔ اوپارے کہ جی ایس پی پلس اسکیم آن پاکستانی برآمد آتیٹی نمان ودکی کرینے۔ جام کمال خان پارے کہ پاکستان انسانی حق، خواری نا آب و گچین طرز حکمرانی نا عزم آ سلوک ءِ۔ اوڑدہی ٹی یورپی یونین۔ پاکستان بزنس فورم نا جوڑ کننگ آہم گپ وتران کننگا، ہڑتوم آ فریق آک پائیدار شونداری و اسیجائی زرگزرانی شونہالی کن خڑکی کمکاری ءِ برجاتخنگ نا عزم انا درشانی ءِ کریر۔