غزہ ٹی جنگ بندی معاہدہ ستاکڑزک، فلسطینی الس نا حق خودارادیت نا مخ تف اُن، ریاستی وتواجہی نا لتاڑ و جہانی اصول آتا تنزلی آ گڑتی ءِ، اسپیکر قومی اسمبلی سردار ایاز صادق

جنیوا۔ 21 اکتوبر (اے پی پی) اسپیکر قومی اسمبلی سردار ایاز صادق غزہ ٹی جنگ بندی معاہدہ نا خیرمقدم و فلسطینی الس نا حق خودارادیت نا بدل مفروک مخ تفی نا درشانی ءِ کرساپارینے کہ ریاستی وتواجہی نا لتاڑ و جہانی اصول آتا تنزلی آ گڑتی ءِ، پاکستان انسانی ہمدردی نا امور اٹی بے کنڈ ہلوک و آجوئی نا اصول آتیا کاربند ءِ۔ داخیال آتا درشانی ءِ او سے شنبے نادے آداڑے جنیوا ٹی 151 می بین الپارلیمانی اسمبلی آن تران کرساکرے۔ سردار ایاز صادق انسانی ہمدردی، انصاف و جہانی امن نا مون آ دننگ آ زور شاغسا پارے کہ ریاستی وتواجہی نا لتاڑ و جہانی اصول آتا تنزلی آ گڑتی ءِ، پاکستان انسانی ہمدردی نا امور اٹی بے کنڈ ہلنگ و آجوئی نا اصول آتیا کاربند ءِ، فلسطینی الس آ تدوک آ اِرا سال انا ظلم انسانی ضمیر ءِ مدام سرفسا کیک۔ اوپارے کہ بھارتی حکومت نا آبادیاتی بدلی و شاری آجوئی تا سلبی مذمت نا قابل ءِ، پاکستان بھارت نا بے خار جارحیت آ صبر اٹ ورندی  ءِ تس، پاکستان امن نا خواہندار ءِ ولے تینا وتواجہی نا دفاع نا حق ءِ رکھ تخک۔ اونا پاننگ ئس کہ بھارت نا کنڈآن سندھ طاس معاہدہ نا اسہ کنڈی معطلی علاقائی امن کن خطرہ اسے۔ اوبھارتی مخ تف فتنۃ الخوارج نا کنڈآن اوغان گل زمین نا پاکستان مخالف کاریم اٹ اتنگ نا مذمت ءِ کرسا پارے کہ پاکستان نا دہشت گردی تور انا کارروائی شاری رکھ و سیمی سلامتی کن ءُ۔ اسپیکر پارے کہ چاگڑدی بدلی ساڑی انسانی تنکی نا دروشم اس اختیارکرینے۔