وزیر دفاع خواجہ محمد آصف نا پاک اوغان سیز فائر نا بابت اوغان طالبان تے دوٹوک کلہو

اسلام آباد۔ 21 اکتوبر (اے پی پی) وزیر دفاع خواجہ محمد آصف پاک اوغان سیز فائر نا بابت اوغان طالبان تے دوٹوک کلہو تس۔ اوغان دراندازی نا ورندی ٹی پاک فوج انا پبی ورندی کارروائی آن پد طالبان تا درخواست آ سیز فائر کننگا۔ پاک اوغان سیز فائر نا بابت دورانیہ غاہم وزیر دفاع خواجہ محمد آصف نا دوٹوک بیان مون آ بس۔ اسہ بیان اسے ٹی وزیر دفاع خواجہ محمد آصف پارے کہ دا بھاز پیدوار وڑاٹ بیان کننگاسس کہ ہچ ءُ دراندازی اس مفک، ٹی ٹی پی ءِ اوفتا گل زمین آ ہچ ءُ آسراتی اس تننگپک۔ وزیردفاع خواجہ محمد آصف پارے کہ نن وار وار آ داہیت ءِ دُوارہ کرساکرین و ظاہر ءِ کہ او (اوغانستان ) داہیت آن نمن مریک۔ ترکیہ و قطر زور شاغار کہ بنداوی جھیڑہ دادے کہ نم (اوغانستان ) نا گل زمین یا سرپرستی ٹی ٹی پی ءِ پاکستان اٹی کارروائی کن دستیاب ءِ۔ نن اوفتے (اوغانستان ءِ)  پارین کہ کل بیرہ اسہ شق اسے آٹی ءُ، دا(سیزفائر) کن ہچ ءُ وخت انا حداس مقرر کننگتنے، ہچ ءُ وخت اس مقرر الوکہ کہ فلاں تاریخ اسکان ہُرنہ و ولدا (سیزفائر) معاہدہ ءِ ودفنہ ۔ ہراتم اسکان نافذ العمل معاہدہ نا خلاف ورزی مفک ننا نیام اٹ جنگ بندی نا معاہدہ ساڑی ءِ۔