دیوالی روشنائی و اومیت نا تہوار ءِ، ہراننے تین پہ تینی شرف، رواداری و سیوت نا قدر ءِ مون آ دننگ نا یات ترفک، سینیٹر اعظم نذیر تارڑ

اسلام آباد۔ 20 اکتوبر (اے پی پی) بنجائی وزیر کانود و انسانی حق سینیٹر اعظم نذیر تارڑ دیوالی نا وخت آ مچ آپاکستان اٹی رہینگوک آ ہندوبرادری ءِ مبارکبادی پیش کرینے۔ ترجمان وزارت کانود و انصاف نا رداٹ تینا کلہو اٹی بنجائی وزیر پارے کہ دیوالی روشنائی و اومیت نا تہوار ءِ ہرا ننے تین پہ تینی شرف، رواداری و سیوت نا قدر ءِ مون آ دننگ نا یات ترفک۔ اوپارے کہ دعاءِ دیوالی نا دا تہوار غٹ اکن خوشی، امن و شونہالی نا کلہو اتے وننا راج اٹی ایلمی و تین پہ تینی شرف نا رشتہ غاتے پین سوگو کے۔ سینیٹر اعظم نذیر تارڑ پارے کہ پاکستان اٹ ہندوبرادری نا کڑد قومی شونداری، راجی ہم گرنچی و بین المذاہب ہم فہمی نا مون آ دننگ اٹ بے کچ اہم ءِ۔ اوداعزم انا درشانی ءِ کرے کہ حکومت پاکستان آئین اٹی نوشتہ غٹ شاری تا بریبر حق، مذہبی آجوئی و باعزت زند انا رکھ اکن سنبرینگوک ءِ۔