مزن وزیر شہباز شریف ءَ را ملائیشیا ءَ مزن وزیر کارگس ءَ وش اتک کنگ بوت

پترا جایا۔6اکتوبر  (اے پی پی): ملائیشیا ءَ مزن وزیر کارگس ءَ مزن وزیر محمد شہباز شریف ءَ را وش آتک کنگ بوت۔ آئی ءِ آیگ ءِ سر ءَ پردانہ ءَ مزن وزیر کارگس (پردانہ پٹرا) ءَ باقاعدہ استقبالیہ ءِ برجم دارگ بوت۔ ملائیشیا ءِ مزن وزیر انور ابراہیم ءَ مزن وزیر محمد شہباز شریف ءَ را دلجمی ءَ وش آتک کت۔ مزن وزیر ءَ را ملائیشیا ءِ سلاہ بندیں اُرد ءِ دستہ ءِ نیمگ ءَ گارڈ آف آنر پیش کنگ بوت۔ مزن وزیر ءَ گارڈ آف آنر ءِ چار ءُ تپاسی کتگ۔ اے موہ ئَ دوئیں ملک آنی راجی سوت ھم الہان ​​کنگ بوت۔ ملائیشیا ءِ مزن وزیر ءَ وتی کابینہ ءِ باسکاں مزن وزیر محمد شہباز شریف ءَ گوں پجار کت۔ مزن وزیر شہباز شریف ءَ ملائیشیا ءِ وزیر ءُ اے دگہ کارندہ آں گوں دست ءُ دپ کت انت وھدیکہ مزن وزیر ءَ وتی ڈل ءِ باسکاں ملائیشیا ءِ مزن وزیر ءَ گوں پجار کت۔ مزن وزیر محمد شہباز شریف ءُ ملائیشیا ءِ مزن وزیر انور ابراہیم ءِ کتاب ”اسکرپٹ“ ءِ اردو رجانک ءِ بندات کن اَنت۔ دوئیں رہشون پاکستان ءُ ملائیشیا ءِ نیام ءَ جتا جتائیں شوبگاں کمک ءَ را گیش کنگ ءِ واستہ منوگری ءُ تپاک نامہ آنی سر ءَ دستخط کنگ ءِ مراگش ءَ بہر زور اَنت۔ ایشی ءَ پد پاکستان ءِ مزن وزیر ءُ ملائیشیا ءِ مزن وزیر یکجائی پریس بیان ءِ جاڑی کن اَنت۔