بلومبرگ ءِ رپورٹ ءَ شنگ کتگ کہ پاکستان نوکیں معیشت آنی تہ ءَ دومی نمبر ءَ اِنت، دیوالیہ بوھگ ءِ ھترہ آنی تہ ءَ مزنیں کساسے ءَ کمی اتکگ

اسلام آباد۔5اکتوبر  (اے پی پی): بلومبرگ ءَ گوشت کہ پاکستان ھما کمیں ملک آنی تہ ءَ ھوار اِنت کہ آھانی دیوالیہ بوھگ ءِ ھترہ سک باز کم بوتگ اَنت ءُپاکستان ءِ کارکردگی دگنیا ءِ نوکیں معیشت آنی تہ ءَ دومی نمبر ءَ اِنت۔ بلومبرگ ءِ نوکیں اعداد و شمار ءِ رد ءَ پاکستان ہما کمیں ملکانی تہا ہوار انت کہ آہانی تہا دیوالیہ کاری ءِ خطرہ ءِ تہا گیشتریں کمی ءِ درشانی بوتگ۔ پاکستان ءِ کارکردگی سرجمیں دگنیا ءَ نوکیں معیشت آنی تہ ءَ دومی نمبر ءَ بوتگ، ایوک ءَ ترکی پاکستان ءَ چہ پیسر اِنت۔ گوستگیں 15 ماہ ءِ تہ ءَ (جون 2024 ءَ بگر داں ستمبر 2025 ءَ) پاکستان ءِ دیوالیہ بوھگ ءِ ھترہ 2200 پوائنٹ ءِ تہ ءَ مزنیں کساسے ءَ گہتر بوتگ اَنت۔ اے پاکستان ءِ برجمیں اقتصادی گہتری ءِ گواہ اِنت پرچا کہ ملک ایوکیں معیشت اِنت کہ آئی ءَ ہر سہ ماہی ءَ مدام گہتری ءِ درشان کتگ۔ اے رد ءَ جنوبی افریقہ، السالوادور ءُ دگہ ملکاں گہتری سک کم بوتگ ءُ مصر، نائیجیریا ءُ ارجنٹائن ءِ وڑیں ملکاں خطرہ گیش بوتگ انت۔ اے گہتری اے گپ ءِ نشانی انت کہ سرمایہ کار پاکستان ءِ سرا پدا دل یکیمی ءَ زورگ ءَ انت۔ کلیدی سبب آنی تہ ءَ اقتصادی استحکام، ڈھانچہ ءِ اصلاحات، وھد ءِ سر ءَ قرض ءِ پچ گرگ، آئی ایم ایف پروگرام ءِ سر ءَ عمل کنگ ءُ میاں اوستمانی ریٹنگ ایجنسی (ایس اینڈ پی، فج، موڈیز) ءِ نیمگ ءَ چہ جوانیں درجہ بندی ھوار اَنت، کہ سرمایہ کار آنی واستہ یک پیغامے کہ پاکستان نوں دیوالیہ کاری ءِ ترس ءَ چہ یک مستحکم ءُ ریفارم ءِ سرا دلجمیں ملک ءِ رنگ ءَ درکپگ ءَ اِنت۔