انجینئر امیر مقام ءَ مولانا قاضی نثار احمد ءِ سرا اُرش ءِ سک باز مذمت کتگ

اسلام آباد۔5اکتوبر  (اے پی پی):کشمیر ءِ کار ءُ گلگت بلتستان ءِ وفاقی وزیر ءُ سافرون ءِ انجینئر امیر مقام ءَ حضرت مولانا قاضی نثار احمد ءِ سر ءَ بوتگیں مردم کشیں اُرش ءَ را سک باز مذمت کتگ ءُ گوشت کہ اے وئیل ناشرکاری ءِ یک مزنیں کارے، کہ کدی برداشت کنگ نہ بیت۔ ادا جاڑی بوتگیں بیان ءِ رد ءَ آئی ءَ گوشت کہ مولانا قاضی نثار احمد مذھبی ءُ عملی مردمے ءُ احلہ سنت وال جماعت گلگت بلتستان ءُ کوہستان ءِ امیر آئی ءِ سر ءَ اُرش سرجمیں دمگ ءِ امن ءِ سر ءَ اُرش انت۔ وفاقی وزیر ءَ گلگت بلتستان ءِ سر وزیر، چیف سیکرٹری ءُ آئی جی ءَ گوں رابطہ کتگ ءُ زوت رپورٹ لوٹ اتگ، وئیل ءِ مزن تک ءِ پٹ ءُ پول ءِ پرمان داتگ ءُ دل یکیمی داتگ کہ ملزم آناں دزگیر کنگ ءُ انصاف ءِ دیم ءَ آرگ ءِ واستہ درستیں وسیلگ کارمرد کنگ بنت۔ آئی ءَ گوشت کہ اے زھرناکیں جرم ءِ تہ ءَ ھواریں عناصر کانود ءِ چنگل ءَ چہ درکپگ ءِ وس ءَ نہ کن اَنت۔ انجینئر امیر مقام ءَ گلگت بلتستان ءِ سرکار ءَ ہدایت کتگ کہ آ اے وئیل ءَ سک سنجیدگی ءَ بہ زوریت ءُ ہر ممکنیں گامگیج بہ زوریت۔ آئی ءَ وفاقی حکومت ءِ نیمگ ءَ چہ ہر وڑیں کمک ءِ دل یکیمی دات ءُ گوشت کہ مجرم آنی دزگیری ءُ امن ءِ بحالی ءِ واستہ ھچ وڑیں کوشست ءَ را یلہ کنگ نہ بیت۔ آئی ءَ زند ءِ جتا جتائیں پڑ ءِ مردمانی نیمگ ءَ چہ اے وئیل ءِ تچکیں مذمت ءَ را ساڑات ءُ گوشت کہ اے زھرناکیں کارروائی ءِ ھلاپ ءَ یکوئی ءِ درشان کنگ جوان اِنت۔ وفاقی وزیر ءَ مولانا قاضی نثار احمد ءِ وتی ٹپیگیں حالت ءَ ہم امن ءِ ھاتر ءَ الس ءَ چہ اپیل ءِ توسیپ کت ءُ گوشت کہ اے آئی ءِ وژن ءُ سروکی ءِ درشان اِنت۔ آئی ءَ گلگت بلتستان ءِ مہلوک ھاسیں رنگ ءَ ورنا آں گوں دزبندی کتگ کہ آ امن ءِ برجائی ءَ وتی سرجمیں کرد ءَ پیلو بہ کن اَنت۔ آئی ءَ مولانا قاضی نثار احمد ءُ اے دگہ ٹپیانی زوت جان سلامتی ءِ دعا ھم کتگ ۔