وفاقی وزیر پروفیسر احسن اقبال ءِ گشگ انت کہ استاد راج ءِ آیوکیں وھد ءِ معمار انت، راج ءِ جوڑ کنگ ءِ تہا استاد ءِ کرد چہ درستاں گیشتر بنیاتی ءُ مقدس انت

اسلام آباد۔5اکتوبر  (اے پی پی): وفاقی وزیر برائے منصوبہ بندی ءُ دیمروئی پروفیسر احسن اقبال ءَ گشتگ کہ استاد مئے راج ءِ آیوکیں وھد ءِ معمار انت، راج جوڑیشت ءِ تہا استاد ءِ کرد چہ درستاں بنیاتی ءُ مقدس انت۔ یک شمبے ءِ روچ ءَ استاد آنی جھان ءِ روچ ءِ درگت ءَ وتی پیغام ءِ تہ ءَ وفاقی وزیر ءَ گوشت کہ مرچی ھما آرکیٹیکٹ آنی نام ءَ روچ اِنت کہ آ راج آنی آیوکیں وھد ءَ را تراشت کن اَنت، استاد زانت ءِ چراگاں رُژنائین اَنت ءُ دل آناں رُژنائی دنت، استاد بے تواری ءَ ھر نسل ءِ مقدر ءَ را جوڑ کن اَنت۔ احسن اقبال ءَ گوشت کہ راجی جوڑیشت ءَ استاد آنی کرد بنیاتی ءُ مقدس تریں کرد انت۔ مرچی ایوک ءَ منت واری ءِ درشان کنگ ءِ روچ نہ اِنت بلکیں ھیال ءُ لیکہ ءِ یک ساھتے ھم اِنت۔ مارا اے بابت ءَ جیڑگی اِنت کہ چوں اے مقدسیں رسالت ءِ وانگ ءُ زانگ ءَ گیشتر مھکم کنگ بہ بیت۔ وفاقی وزیر ءَ گوشت کہ استاد مئے راج ءِ آیوکیں وھد ءِ معمار اَنت۔ ڈاکٹر بہ بیت، انجینئر بہ بیت یا سائنسدان، آ استاد ءِ محنت ءُ رہشونی ءِ حمایت ءَ کن انت۔ استاد ءِ اثر چو رژنائی ءَ اِنت، بے توار اِنت بلے ھرچ چیز ءَ ھوار اِنت، گندگ نہ بیت بلکیں دل ءُ نسلاں رُژنائی دنت۔ استاد ءِ گپ، آئی ءِ اخلاق ءُ آئی ءِ دلبڈی مدام نودربر ءِ دل ءَ زندگ اَنت۔ احسن اقبال ءَ گشتگ کہ مرچی ما علم ءُ ساچشت ءِ نوکیں دور ءِ تہا داخل بوہگ ءَ ایں ۔ چوشیں وھد ءَ استادانی کرد چہ پیسر ءَ گیشتر ھژدری اِنت۔ نوں استاد ءِ کار ایوک ءَ وانینگ نہ اِنت بلکیں آ فکر کنوکیں ذہن، دل ءِ جوڑ کنگ اِنت کہ انسانیت ءِ ھیال ءَ دار اَنت ءُ شہری ءِ ذمہ وار اِنت۔ استاد ءِ قلم چہ ہر سلاہ ءَ گیشتر زوراک انت پرچا کہ آ ذہنانی دروشم ءَ جوڑ کنت ءُ ہمے ذہن دنیا ءَ بدل کنت۔ آئی ءَ گْوشتگ: مرچی من گوادر ءَ بگر داں گلگت ءَ، ناروال ءَ بگر داں کراچی ءَ استاداں سلام پیش کناں کہ آ بے تواری ءَ کلاس روم ءَ ھزمت کنگ ءَ اَنت۔