وفاقی داخلہ ءِ وزیر محسن نقوی ءَ دیوان ءِ سروکی کت، اسلام آباد ءَ جاری دیمروئی منصوبگ آنی سر ءَ پیشرفت ءِ سر ءَ تفصیلی چار ءُ تپاسی کت

اسلام آباد۔5اکتوبر  (اے پی پی): وفاقی وزیر داخلہ محسن نقوی ءِ سروکی ءَ سی ڈی اے ءِ ہیڈ کوارٹر ءَ دیوان برجم دارگ بوت۔ گند ءُ نند ءِ تہ ءَ وزیر ءِ تہی کار طلال چوہدری ءُ سیکرٹری تہی کار محمد خرم آغا ءَ شریک بوتگ ۔ گند ءُ نند ءَ اسلام آباد ءَ جاری دیمروئی منصوبگ آنی ھوالگ ءَ پیشرفت ءِ سر ءَ سرجمیں رنگ ءَ چار ءُ تپاسی کنگ بوت۔ اے موہ ءِ سر ءَ مزن وزیر ءِ ہدایت ءِ رد ءَ ایس سی او کانفرنس 2027 ءَ چہ پیسر نوکیں کنونشن سینٹر ءِ جوڑیشت ءِ بابت ءَ مشورہ کنگ بوت۔دیوان ءَ جناح کنونشن ءِ گوما دومی مزنیں کنونشن ہال ءِ جوڑیشت ءِ بابت ءَ اصولی پیسلہ ھم کنگ بوت۔ اے موہ ءِ سر ءَ وفاقی تہی کارانی وزیر محسن نقوی ءَ گوشت کہ نوکیں منصوبگ ءِ تہ ءَ یک مزنیں کنونشن ہال ءِ جوڑ کنگ بہ بیت ایشی ءِ تہ ءَ بازیں مزنیں کانفرنس ءُ میٹنگ روم ھوار بہ بنت۔ نوکیں کنونشن ہال ءَ را میاں اوستمانی رہبند ءُ نوکیں لوٹانی رد ءَ تیار کنگ بہ بیت۔ منصوبگ ءِ سرجمی ءَ چہ پاکستان ءَ مزنیں میاں اوستمانی کانفرنس آنی برجائی ءَ آسراتی رس ایت۔ وزیر داخلہ ءَ منصوبگ ءِ ڈیزائن ءِ واستہ جوانیں میاں اوستمانی ءُ دمگی آرکیٹیکٹ آنی سروسز ءِ کرایہ ءِ ہدایت کتگ ءُ اسلام آباد ایکسپریس وے ءِ تجارتی کنگ ءِ واستہ یک جامع منصوبہ ءِ لوٹ کتگ۔ گند ءُ نند ءَ اسلام آباد ءَ نوکیں پولیس اسٹیشن جوڑ کنگ ءِ دیمروئی ءِ سرا چار ءُ تپاسی کنگ بوت۔ وزیر داخلہ محسن نقوی ءَ 6 پولیس اسٹیشن آنی جوڑیشت ءِ کار ءَ را 45 روچ ءِ تہ ءَ سرجم کنگ ءِ ذمہ واری داتگ۔ اے موہ ءِ سر ءَ سی ڈی اے ءِ چیئرمین محمد علی رندھوا ءَ تہی کارانی وزیر محسن نقوی ءَ را ھم سرجمیں بریفنگ دات۔ بریفنگ ءِ تہ ءَ گوشت کنگ بوت کہ دگہ 10 پولیس اسٹیشن آنی جوڑیشت ءِ واستہ ٹینڈر جاری کنگ بوتگ، پارلیمنٹ لاجز ءِ نوکیں بلاک ءِ جوڑیشت ءِ کار ٹھینگ بوتگیں وھد ءِ تہ ءَ سرجم کنگ بیت، ٹی چوک فلائی اوور منصوبگ ءِ سرجمیں ڈھیر سرجم بوتگ اَنت، شاہین چوک ءِ بُن ھشت ءِ سنگ سوئل آف دی بی سیکرٹریٹ ءِ سرجمی ءِ گڈی پڑ ءَ انت۔ گند ءُ نند ءَ ڈپٹی کمشنر اسلام آباد، سی ڈی اے ءِ باسک ءُ سینئر افسراں ھم بہر زرتگ۔