ڈی جی آئی ایس پی آر ءِ تر ءُ تاب بلوچستان یونیورسٹی آف انفارمیشن ٹیکنالوجی، انجینئرنگ ءُ مینجمنٹ سائنسز کوئٹہ

اسلام آباد۔5اکتوبر  (اے پی پی): ڈی جی آئی ایس پی آر ءَ بلوچستان یونیورسٹی آف انفارمیشن ٹیکنالوجی، انجینئرنگ ءُ مینجمنٹ سائنسز کوئٹہ ءِ تر ءُ تاب کت ءُ سیشن ءِ تہا پاک فوج ءِ پیشہ وارانہ معاملہانی سرا نودربراں گوں سرجمیں رنگ ءَ گپ ءُ تران کت۔ تفصیلات ءِ رد ءَ جست ءُ پرس ءِ ساھت ءَ پاک فوج ءِ کارکردگی ءُ سوبمندی آنی سر ءَ چمشانک دیگ بوت۔ فیکلٹی ءُ نودربراں اے سیشن ءِ وش اتک کتگ ءُ گیشیں سیشن ءِ واھشت ءِ درشانی کتگ۔ نودربراں اے موہ ءِ سر ءَ وتی ھیال درشان کت ءُ گوشت کہ مرچیگیں انٹرایکٹو سیشن ءَ مئے جُست آنی سر ءَ سرجمیں پسو دیگ بوت ءُ بازیں ابہام ھلاس کنگ بوت اَنت۔ مئے واھگ اِنت کہ بلوچستان ءَ اے وڑیں انٹرایکٹو سیشن گیشتر برجم دارگ بہ بنت دانکہ ورناھانی سرپدی ءُ شعور گیش بہ بیت۔ نودربر آں انصاف ءِ جنگ ءَ پاک فوج ءِ کامیابی ءَ را شگر ءُ شان دات۔