سیلاب ءِ آماچیں مردمانی رھشونی ءِ سروے سوبمندیں رنگے ءَ برجاہ اِنت، 2233 سروے ٹیم 27 ضلع آنی تہ ءَ ڈیٹا ءِ جم کنگ ءَ گوں بندوک اَنت

لاہور۔5اکتوبر  (اے پی پی): بنجاہی وزیر مریم نواز ءِ ہدایت ءِ سرا سیلاب ءِ آماچیں مردمانی بحالی ءِ سروے محنتی رنگ ءَ کنگ بوہگ ءَ انت۔ 2233 سروے ٹیم 27ضلع ءِ تہا زدگیں مردمانی لوگاں سر بوتگ انت کہ آ ڈیٹا ءِ جم کنگ ءَ انت۔ سیلاب ءِ سروے ءِ ھاتر ءَ دوریں دمگ آنی واستہ کشتی آنی سر ءَ آماچیں دمگ آنی تر ءُ تاب ءَ چہ 127 ہزار زدگیں مردمانی ڈیٹا زورگ بوتگ۔ ڈی جی پی ڈی ایم اے عرفان علی کتیہ ءَ گشتگ کہ سیلاب ءِ سروے ٹیماں جتا جتائیں ضلع آنی 88865 کشت ءُ کشاری ءَ چہ سیلاب ءِ تہا فصل ءِ تاوان ءِ تفصیل زرتگ ءُ 342ہزار ایکڑ ءَ چہ گیش آماچیں زمین ءِ پجارینگ سرجم بوتگ۔ سیلاب ءِ سروے ٹیماں سیلاب ءَ چہ آماچ بوتگیں 37044 لوگانی ڈیٹا ھم زرتگ۔ سیلاب ءِ سبب ءَ 1400 مردمانی بیرانی ءَ ابید چہ جتا جتائیں ضلعاں 5836 مال ءِ بیرانی ءِ ھال رس اِتگ۔ آئی ءَ گوشت کہ پاک آرمی، اربن یونٹ، ریونیو، کشت ءُ کشاری ءُ لائیو اسٹاک محکمہ ءِ نمائندگ سروے ءِ واستہ دروازگ ءَ سر بوھگ ءَ انت، پی ڈی ایم اے سروے ءِ دیمروئی ءِ سر ءَ روچ پہ روچ چار ءُ تپاسی کنگ ءَ انت۔ اے موہ ءِ سر ءَ سروے ٹیم آں زدگیں مردم آناں دل یکیمی داتگ کہ سر وزیر پنجاب ءِ ہدایت ءِ رد ءَ حقدار ءَ را حق رس ایت۔