دری کارانی کارگس ءِ جارکش ءَ پاکستان صمود فلوٹیلا   ءَ سواریں پاکستانی شہری آنی جان سلامتی ءُ زوتیں واتر بوھگ ءِ واستہ وتی میاں اوستمانی شریک آنی گوما سرگرمیں رابطہ ءِ تہ ءَ اِنت

اسلام آباد۔5اکتوبر  (اے پی پی): صمود فلوٹیلا    ءِ سرا سواریں پاکستانی شہری آنی جان سلامتی ءُ زوتیں وھد ءَ واتر بوھگ ءِ واستہ پاکستان وتی میاں اوستمانی شریک آنی گوما سرگرمیں رابطہ ءِ تہ ءَ اِنت۔ یک شمبے ءِ روچ ءَ درئی کارانی کارگس ءِ جارکش ءِ بیان ءِ رد ءَ یک دوستیں یورپی ملک ءِ سفارتی وسیلگ آنی وسیلگ ءَ اے گپ ءِ پدر کنگ بوتگ کہ پیسریگیں سینیٹر مشتاق احمد اسرائیل ءِ قبضہ گیریں اُرد آنی دست ءَ اِنت ءُ آ وش ءُ سلامت اِنت۔ گیش گوشگ بوت کہ سینیٹر مشتاق بنجاہی کانود ءِ لوٹ آنی رد ءَ آمید گس ءَ پیش کنگ بیت ءُ ڈیپورٹیشن آرڈر ءِ جاری کنگ ءَ پد آئی ءِ واتر بوھگ ءِ سر ءَ ترندیں بنیاد ءَ عمل کنگ بیت۔ دری کارانی کارگس ءَ ایشی ءَ چہ پیسر پاکستانی شہری آنی جان سلامتی ءَ گوں واتر کنگ ءِ واستہ ھم کمک کتگ ات کہ آ پیسر ءَ چہ فلوٹیلا ءَ چہ ایر کپتگ اتنت۔ اے درگت ءَ پاکستان ھما براتیں ملک آنی شگر ءُ منت ءَ گپت کہ آھاں وتی شہری آنی وطن واتر کنگ ءَ کمک کتگ ۔ پاکستان ءِ سرکار درملک ءَ وتی درستیں شہری آنی رکھینگ ءِ واستہ جزمیگ انت۔ ءُ گمان اِنت کہ اے واتر کنگ ءِ کار آیوکیں روچاں سرجم بیت۔